web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet gara/ Ja kandidatët për kryetar dhe anëtarë të AMA-s

14 Qershor 2021, 15:08, Aktualitet CNA

Sot ka qenë afati i fundit për mbylljen e vendeve vakante për kreun dhe anëtarët e bordit drejtues të Autoritetit të Mediave Avudiovizive, të cilëve ju ka mbaruar mandati, por edhe për vendin e një përfaqësuesi të opozitës që ka qenë zoti Agron Gjekmarkaj, i cili ka marrë mandatin e deputetit.

Burime zyrtare nga Kuvendi i thanë CNA.al se emrat që kanë kandiduar për kreun e AMA-s janë gazetarja dhe drejtoresha aktuale e ATSH-së Armela Krasniqi, Alketë Dibra, Ermela Guxholli dhe Elvis Gjegji, ndërsa gjithashtu janë edhe gjashtë emra që kandidojnë për anëtarë të bordit drejtues të AMA-s, ku bien në sy edhe emra me eksperiencë në fushën e gazetarisë. Në garë për anëtarë të bordit drejtues janë Edjona Derishi, Ëngjëllush Serjani, Helidon Haliti, Manjola Tërshana, Sajmir Aliaj dhe Joana Allushi.

Mesa duket tashmë pas shumë hapjesh dhe mbylljesh procedurash janë plotësuar emrat për vendet vakante për kreun e AMA-s dhe anëtarë të bodit drejtues të saj.

Tashmë priten procedurat, të cilat do të ndiqen sipas ligjit nga Komisioni i Medias, dhe më tej do të shkojë në Parlament për të plotësuar vendet vakante në AMA-s.

Burime zyrtare nga Kuvendin thanë tashmë pritet të ndiqen hapat ligjore./CNA.al





Lajmet e fundit nga