web counter
LEXO PA REKLAMA!

SHKARKO APP

App Store
Google Play

Federata Daneze përditëson situatën: Folëm me Eriksen, vazhdon të jetë i shtruar në spital

13 Qershor 2021, 11:12, Sport CNA

Federata Daneze e Futbollit ka dalë me një komunikatë për mediat dhe tifozët, duke publikuar në rrjetet sociale një mesazh që tregonte gjendjen e Kristian Eriksen dhe situatën aktuale. Aty theksohej se tashmë gjendja e lojtarit ishte e stabilizuar, edhe pse vazhdonte të ishte i shtruar në spital për kontrolle më të hollësishme.

Ndërkaq, saktësohej se të gjithë pjesëtarët e skuadrës së Danimarkës kishin marrë asistencë nga ekspertët për të përballuar tronditjen e djeshme kur panë një shok të tyre që kishte pësuar kolaps në fushë.

?Këtë mëngjes kemi folur me Kristian Eriksen, i cili i ka dërguar përshëndetjet e tij shokëve të skuadrës. Gjendja e tij është e stabilizuar dhe ai vazhdon të jetë i shtruar në spital për ekzaminime të mëtejshme shëndetësore.

Skuadra dhe stafi i ekipit kombëtar ka marrë asistencë për situata krize dhe do të vazhdojë të jetë në mbështetje të njëri-tjetrit pas incidentit të djeshëm.

Do të dëshironim të falënderonim të gjithë për urimet e ndjera ndaj Eriksen nga tifozët, lojtarët, familjet mbretërore të Danimarkës dhe Anglisë, federatat, klubet, etj.

Ne i ftojmë të gjithë të dërgojnë mesazhet e tyre në Federatën e Futbollit të Danimarkës, ku do të sigurohemi që ato do t;i kalojnë Kristian Eriksen dhe familjes së tij?, shkruhej në njoftimin e Federatës Daneze rreth gjendjes së futbollistit.





Lajmet e fundit nga