web counter
LEXO PA REKLAMA!

SHKARKO APP

Tronditet Sergio Ramos, rrezikon Europianin

8 Maj 2021, 12:54, Sport CNA

Kapiteni i Realit të Madridit, Serxhio Ramos ka marrë një tjetër goditje së fundmi, teksa ka zbuluar se në ndeshjen ndaj Çelsit ka pësuar një tjetër dëmtim dhe është i detyruar të qëndrojë jashtë fushave të blerta.

Ka qenë vetë klubin madrilen që ka bërë të ditur se lojtari ka pësuar një dëmtim ndaj Çelsit, në ndeshjen ku ai sapo ishte kthyer nga dëmtimi i mëparshëm që e mbajti jashtë për disa javë. 2021 mund të quhet si një mallkim për mbrojtësin, i cili vetëm në 5 muajt e para të vitit, është infektuar me Koronavirus dhe është dëmtuar dy herë.

Nuk dihet ende se sa do mungojë lojtari, por gjasat janë që sezoni për të është mbyllur, pasi kanë mbetur edhe pak javë për t?u luajtur. Gjithashtu në rast se dëmtimi rezulton i rëndë, atëherë Ramos rrezikon edhe Europiainin në verë me Spanjën.

Ndoshta ajo me Çelsin mund të ketë qenë ndeshja e fundit e Ramosit me fanellën e Realit, pasi kontrata i përfundon në fund të sezonit dhe nuk ka ende të reja për rinovimin, teksa prej kohësh flitet se do të largohet.

 





Lajmet e fundit nga