VIDEO/ Fitorja me përmbysje ngjit Vllazninë në krye, feston Bylisi. Ngec Laçi

24 Prill 2021, 13:13, Sport CNA

Vllaznia fiton 2-1 ndaj Skënderbeut, siguron rezultatin e shtatë radhazi pozitiv dhe është ngjitur përkohësisht në krye të Kategorisë Superiore me 53 pikë. Miqtë nga Korça e nisën mirë ndeshjen dhe kaluan në avantazh në minutën e 25-të.

Elvi Berisha përfitoi nga një gafë e Mevlan Adilit dhe mposhti portierin vendas falë një goditje diagonale të saktë. Festa korçare zgjat fare pak, pasi vendasit rikthyen baraspeshën tre minuta më vonë. Dajan Shehi kërceu më lart se të gjithë pas një goditje këndi.

Topi në rrjetë dhe barazim 1-1 në ?Loro Boriçi?. Ekipi i Brdaric e filloi mirë pjesën e dytë dhe gjeti golin e fitores në minutën e 52-të. Autori Haris Dilaver, devijimi i të cilit përfundoi në rrjetë. Përfundimisht 2-1 për Vllazninë, që rikthehet në krye dhe shpreson të ndalet Teuta.

Pa gola përfundoi sfida Kastrioti-Laçi. Dy pikë të humbura për bardhezinjtë e Duros, të cilët mbeten në vend të katërt me katër pikë më pak se Vllaznia kryesues. Xhixha, Zylfiu dhe Nwabueze kishin mundësi të pastra për miqtë, ndërsa Rezi u shfaq i rrezikshëm për ekipin krutan.

Minuta e 82-të solli përjashtimin me karton të kuq të Kyrian Nwabuezes, sulmuesit kryesor të Laçit. Dyluftimi me Nezirin u konsiderua si goditje me bërryl dhe kryesori Hamiti. Laçi me dhjetë lojtarë në minutat e fundit të ndeshjes që nuk prodhoi asnjë gol.

Karton të kuq pati edhe në duelin Bylis-Apolonia. Sulmuesi Renato Spahiu goditi mbas koke një lojtar kundërshtar në minutën e 79-të dhe skuadra e Dovedan mbeti me dhjetë lojtarë. Pavarësisht inferioritetit numerik, afrikani Anthony Beji shënoi golin e fitores për Bylisin në minutat shtesë. /abcnews.al

Kategoria Superiore
Java 29, 24 prill 2021
Kastrioti-Laçi 0-0
Bylis-Apolonia 1-0
(Beji 90+1?)
Vllaznia-Skënderbeu 2-1
(Shehi 28?, Dilaver 52? / Berisha 25?)

90+1? Festë në Ballsh. Anthony Beji realizon golin e fitores në minutën e parë shtesë, duke i dhuruar Bylisit tre pikë jetike për objektivin mbijetesë.

82? Karton i kuq në Kamzë. Kyrian Nwabueze ndëshkohet me karton të kuq pas një dyluftimi me Nezirin e Kastriotit.

79? Bylis me dhjetë lojtarë. Sulmuesi i ekipit ballshiot, Renato Spahiu ndëshkohet me karton të kuq pas goditjes mbas koke ndaj lojtarit kundërshtar.

52? Vllaznia në avantazh. Autori i golit është Haris Dilaver. Sulmuesi boshnjak devijoi saktë drejt portës kundërshtare një top të ardhur ngra krahu i djathtë.

28? Reagon shumë shpejt Vllaznia. Goditje këndi për vendasit dhe gol me kokë i mbrojtësit Dajan Shehi, i cili fitoi duelin ajror me dy lojtarë kundërshtarë.

25? Zhbllokohet ndeshja në ?Loro Boriçi?. Pasiguri e Mevlan Adilit dhe aty përfitoi Elvi Berisha, i cili tundi rrjetën shkodrane falë një goditje të saktë diagonale.