web counter
LEXO PA REKLAMA!

SHKARKO APP

App Store
Google Play

E fundit!

x

Greva e naftëtareve/ Topalli “shuplakë” Ramës: Mos bëj sikur nuk i shikon dhe dëgjon

4 Nëntor 2020, 13:43, Politikë CNA

Ish-kryeparlamentarja dhe drejtuesja e Lëvizjes për Ndryshim, Jozefina Topalli, ka reaguar për gratë naftëtare që prej disa ditësh janë në grevë urie.

Topalli deklaron se gratë naftëtare po kërkojnë të drejtën e tyre themelore që është detyrim për shtetin.

Ajo kritikon kryeministrin Edi Rama për qëndrimet e mbajtura dhe që nuk i ka dhënë akoma një zgjidhje situatës së tyre të përsëritur.

?Prej shumë ditësh 10 gra kanë nisur një grevë urie. Ata kërkojnë një të drejtë të tyre themelore. Shpërblimi për punën e kryer është një e drejtë e tyre dhe një detyrim për t?u respektuar nga shteti Shqiptar.

Kryeministri i vendit nuk mund të bëjë sikur nuk i shikon dhe nuk i dëgjon e aq më pak të vendosi kushte. Padrejtësia ndaj naftëtareve ka vetëm një origjinë që është korrupsioni.

Të rinjtë e Lëvizjes për Ndryshim ishin në përkrahje të tyre. Ata kanë nevojë për mbështetje. Shkelja e të drejtave të naftëtareve është shkelje e të drejtave të njeriut!?, shkruan drejtuesja e Lëvizjes për Ndryshim.

Ndërkohë, kujtojmë se naftëtaret ndodhen prej disa javësh në grevë urie, pasi kërkojnë të marrin pagat e prapambetura./ CNA.al





Lajmet e fundit nga