E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Shënim/ Disa pyetje për bashkinë e Elbasanit që nuk ka marrë ende çelsat e inceneratorit

16 Tetor 2020, 16:54, Aktualitet CNA

Bashkia e Elbasanit ka reaguar sot lidhur me inceneratorin e Elbasanit, pas deklaratave të bëra mbrëmjen e djeshme në ?Opinion? nga kryeministri Rama.

Në reagimin e saj, bashkia theksonte se ky incenerator është në punë që prej vitit 2017 dhe prodhon energji elektrike, mjaftueshme për veten e saj si edhe për ta dërguar në rrjet.
Sipas këtij reagimi, Bashkia nuk e ka marrë në dorëzim sepse në kontratë është parashikuar që kjo të ndodhë në vitin 2021.

Po bashkia ku e di që inceneratori prodhon energji? Kjo është një pyetje për drejtuesit lokalë të bashkisë.

Ku e di bashkia që ky incinerator prodhon energji, duke marrë për bazë edhe faktin se kjo bashki nuk e ka marrë në dorëzim inceneratorin.
Ç? punë ka bashkia me inceneratorin kur ende nuk e ka në dorëzim?
Dhe pyetja e radhës: Pse nuk e merr në dorëzim menjëherë bashkia inceneratorin?

Bashkia nuk është OSHEE i cili është institucioni përgjegjës për shpërndarjen e energjise elektrike, nuk ka rrjet të pavaruar lokal të energjisë, përkundrazi faturën e saj e paguan OSHEE. Inceneratori i Elbasanit mund të jetë ndezur disa herë, këtë nuk e vemë në dyshim por të paktën të kenë kurajon dhe të sillen korrekt me qytetarët e tyre duke mos i gënjyer publikisht.
Ai matësi që është nxjerrë nga kryeministri Edi Rama duhet të shkojnë zyrtarët e bashksië të shikojnë kur është vendosur, sa energji ka prodhur dhe në çfarë kohë është prodhuar kjo energji elektrike?

Pa folur më tej për faktin që kjo bashki aktualisht nuk ka marrë në dorëzim inceneratorin e Elbasanit. Do ishte mirë që kryetari të dilte njëherë andej nga inceneratori e të shikonte çfarë ndodhte dhe të krahasonte shifrat, punon me energji elektrike apo me naftë, për sa kohë është prodhuar energjia?

Këto janë disa pyetje për bashkinë dhe qeverinë të cilat shkojnë përtej propagandës politike për një investim të paguar nga taksat e shqiptarëve.

Disa muaj më parë, CNA.al denoncoi skandalin në lidhje me koncesionin e incenerartorit të Elbasanit, kompanitë e përfshira dhe shkeljet proceduriale.

CNA.al tregoi me dokumente ekskluzive, sesi kompani pa asnjë aktivitet biznesi, fitojnë një koncesion 22 milion euro, që do të paguhet nga taksat e shqiptarëve.(Lexo këtu)/CNA.al

Skema korruptive e koncesionit të inceneratorit të Elbasanit/ Si u gllabëruan miliona euro

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale