web counter
LEXO PA REKLAMA!

SHKARKO APP

App Store
Google Play

Zgjedhjet në PD, Muça e Lila zyrtarizohen kandidatë për deputetë

11 Tetor 2020, 09:51, Sport CNA

Andi Lila dhe Gentian Muça, bëhen gati të synojnë një karrierë shumë të ndryshme nga bota e sportit që kanë përfaqësuar në këto vite. Si ish-mbrojtësi i kombëtares, ashtu edhe ish-lideri i Tiranës kampione, janë konfirmuar sot zyrtarisht si kandidatë për deputetë, duke synuar të hyjnë në botën e politikës.

Të dy janë zyrtarizuar sot në votimet brenda Partisë Demokratike si kandidatë për deputetë në zgjedhjet e vitit të ardhshëm e padyshim që do të mundohen të shfrytëzojnë famën që kanë marrë nga futbolli për të siguruar votat dhe praninë në Parlamentin shqiptar.

Situata e Lilës është paksa e çuditshme, pasi ai ende zyrtarisht nuk i ka dhënë ende lamtumirën futbollit, ndërsa mori edhe medalje kampioni me Tiranën ndonëse nuk zbriti asnjëherë në fushë me të në sezonin e fundit. Ajo që duket e çuditshme është fakti se Lila ka një angazhim me Sindikatën e Futbollistëve, të cilin nuk dihet nëse do ta lërë përgjysëm nëse zgjidhet si deputet nga votuesit në Kavajë, apo nëse do të bashkojë politikën me sportin, edhe pse kjo bie ndesh me parimet e kësaj sindikate që ka krijuar.

Kurse Muça, për momentin nuk është në kryeqyetet, ku figuron në listen e atyre që duhen zgjedhur. Ish-kapiteni i Tiranës është larguar drejt Kosovës, ku tashmë vesh ngjyrat e klubit të Prishtinës.





Lajmet e fundit nga