web counter
LEXO PA REKLAMA!

SHKARKO APP

U dënua me 4 vite burg, presidenti i Besëlidhjes: S’trembem nga mushkonjat, pres të zë vendin e Skënderbeut

19 Shtator 2020, 07:23, Sport CNA

Me një vendim të Gjykatës së Lezhës, presidenti i Besëlidhjes, Gjok Noka, është dënuar ditën e enjte me 4 vjet burg. Dhe një skuadër futbolli normalisht shqetësohet kur i dënohet presidenti, por Nokës nuk i bën aspak përshtypje ajo që ka ndodhur.

Në një prononcim për ?Panorama Sport?, ai thekson se nuk trembet nga mushkonjat dhe thotë gjithashtu se Besëlidhja po pret të marrë vendin e Skënderbeut në Superiore.

?Besëlidhja nuk tronditet dhe Gjok Noka nuk trembet prej mushkonjave. Besëlidhja vijon stërvitjen e qetë dhe e sigurt, me punën e stafit dhe lojtarëve jam mjaft i kënaqur.

Ne po presim me padurim të zëmë vendin e Skënderbeut, pasi kjo është e qartë në rregullore. Jemi të çuditur pse po vonohet kaq shumë zbardhja e vendimit. Besëlidhja po stërvitet për nivelin superior, ndaj jemi mjaft të qetë.

Më shqetëson vetëm vonesa e ekzekutimit të vendimit për Skënderbeun, jo mushkonjat, siç e theksova më lart. Gjithçka vazhdon normalisht ne klub?. Ky ishte reagimi i presidentit Noka pas dënimit të tij.





Lajmet e fundit nga