web counter
LEXO PA REKLAMA!

SHKARKO APP

App Store
Google Play

E fundit!

x

Situata kaotike prej Koronavirusit/ Dalin përgjigjet e tamponëve të Tiranës para Champions-it, ja çfarë do të ndodhë

17 Gusht 2020, 17:16, Sport CNA

Një lajm tepër pozitiv, në prag të sfidës së Ligës së Kampionëve ndaj Dinamo Tbilis. Skuadra e Tiranës ka rezultuar e gjitha negativ pas kryerjes së testeve për COVID-19 dhe do të udhëtojë të martën në mëngjes drejt Gjeorgjisë.

Lajmi i mirë është konfirmuar nga Federata Shqiptare e Futbollit nëpërmjet një njoftimi në faqen zyrtare. Gjithashtu bëhet e ditur që pas komunikimeve të vazhdueshme dhe këmbënguljes së FSHF-së u bë e mundur që pala gjeorgjiane të binte dakord për protokollin sanitar të miratuar më parë nga UEFA, duke marrë parasysh dhe masat kufizuese të vendosura nga qeveria e Gjeorgjisë.

Kësisoj, Tiranës do t?i mjaftojnë vetëm përgjigjet e analizave të kryera në Shqipëri për të udhëtuar drejt transfertës së Champions dhe nuk do të ketë nevojë për testime të mëtejshme me të mbërritur në Tbilisi. Me të mbërritur atje skuadra kampione e Shqipërisë do të stërvitet normalisht dhe do të kryejë të gjitha përgatitjet e duhura për ndeshjen e parë të turit kualifikues, raporton FSHF.





Lajmet e fundit nga