E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu i renditur me 84 pikë në garën për drejtoritë ...

Punimet në stadiumin e ri të Kukësit me rritëm të ulët, Safet Gjici zbulon ngërçin: Kemi hallin e...

13 Gusht 2020, 15:28, Sport CNA

Në një prononcim të fundit, presidenti i nderit i Kukësit, Safet Gjici, hodhi dritë në lidhje me punimet në stadiumin e ri që po ndërkohët në qytetin verilindor, teksa zbuloi disa detaje tepër të rëndësishme. Në deklaratën e tij, Gjici nuk nguroi të fliste edhe në lidhje me përballjen ndaj Slavias së Sofias, e vlefshme për Ligën e Europës, që do të zhvillohet në ?Air Albania?, duke u shprehur:

?Punimet në stadiumin e ri po vazhdojnë. Edhe në krahun perëndimor janë bërë kollonat. Thjesht ka një ngërç me projektin, se ne kemi kërkuar që mbas shkallëve të bëhet edhe hoteli për sportistët. Është një rregullim projekti dhe besoj është një punë që mbaron shpejt. Kemi hallin e fondeve. Federata akoma nuk i ka lëvruar fondet. Ka dhënë pjesën e vetë qeveria, por FSHF ka disa procedura me UEFA-n kur i vijnë fondet në shtator.

Kompania nuk është se po pret këto fondet, kompania po punon. Kemi kërkuar që ekipi të ketë hotelin e vetë në Kukës dhe mos shpërndahet nëpër qytet. Jemi në bisedime dhe i kam dërguar një email kryeministrit për fondet që kompania pret të marrë. Duhet të ndërhyjë qeveria edhe te FSHF. Duhen shpronësuar edhe të gjitha banesat që do të preken nga ky projekt. Gjithë këto procedura duan kohë. Firma e ka të përcaktuar në kontratë kur do ta mbarojë stadiumin. Brenda këtij muaji mbaron edhe pjesa perëndimore. Fushën, dritat, stolat, i ka federata për t?i bërë. Janë porositur. Sa të mbarojë ana ndërtimore fillojnë punimet e tjera.

Skuadra dhe ndeshja ndaj Slavias ? Ekipi po stërvitet 2 herë në ditë. Kushtet i kanë shumë të mira. Unë besoj që po përgatitemi mirë. Janë shtuar edhe disa lojtarë të rinj. Ekipi është gati, natyrisht që nuk ka marrë shumë lojtarë në Tropojë. Këto të rinjtë që nuk janë pjesë e formacionit nuk i ka marrë. Ka marrë lojtarët që do t?i shërbejnë për ndeshjen e parë ndaj Slavias së Sofias.

Slavia ka lojtarë vendas, vetëm 1 me origjinë greke është, të tjerët i ka të gjithë bullgarë. Është ekip i fortë, favori jonë që luajnë në Tiranë. Po e studiojnë mirë. Shanset janë për ta kaluar. Se sa do jenë në gjendje do ta shikojmë në fushë. Kemi shanse për ta kaluar, kemi mundësi të përgatitemi më shumë. Lojtarët e rinj duhet të lidhen me ekipin, kam shpresë dhe bindje që do ta kalojmë këtë turn. Gjithçka varet nga stafi teknik dhe lojtarët. Është një ekip shumë i fortë, por me lojtarët që kemi themi se i kemi shanset për ta kaluar?, u shpreh Gjici.