web counter
LEXO PA REKLAMA!

SHKARKO APP

App Store
Google Play

E fundit!

x

Fitoi "Këpucën e Artë", zbulohet çfarë do të ndodhë me sulmuesin Nuabueze

11 Gusht 2020, 11:48, Sport CNA

Kirian Nuabueze këtë sezon u shpall golashënuesi më i mirë i Superiores dhe ofertat drejt tij nuk kanë të ndalur, me Laçin, që do e ketë shumë të vështirë ta mbajë në gjirin e skuadrës. Nuabueze dëshiron të bëjë një hap më lart në karrierë dhe klubi bardhezi dëshiron të fitojë nga shitja e tij, por më parë ka në plan ta ketë në dispozicion për ndeshjet në Europë.

Brenda pak ditësh kurbinasit luajnë ndaj Keshla dhe trajneri Cungu do të vuante shumë për ta zëvendësuar në rast se amerikani zgjedh të largohet. Megjithatë, duket se është gjetur konsensusi i duhur. Klubi ka gjetur dakordësinë me 27-vjeçarin për ta mbajtur deri në fund të aventurës në Europa League.

Pas kësaj Laçi do e lërë të lirë goleadorin, kontrata e të cilit nuk dihet kur përfundon, pasi klubi ka zgjedhur të mos e bëjë publike. Ofertat drejt sulmuesin sa vijnë e shtohen, teksa interes konret kanë shfaqur nga Turqia dhe Izraeli. Ai shënoi plot 24 gola këtë sezon dhe është lojtari i parë në dy dekadat e fundit, që arrin të fitojë Këpucën e Artë me Laçin.





Lajmet e fundit nga