web counter
LEXO PA REKLAMA!

SHKARKO APP

App Store
Google Play

Kamberi largohet përfundimisht nga Kroacia, ja ku është transferuar

6 Gusht 2020, 13:07, Sport CNA

Florian Kamberi, një sulmues me aftësi ndryshe që do të ketë një rol protagonisti edhe te Kombëtarja e Shqipërisë. Shumë vite ?luftë? me Zvicrën për të siguruar shërbimet e këtij futbollisti janë shpërblyer dhe Reja ka në duar kartën e fortë për ta përdorur ndaj çdo kundërshtari.

Driblime, shpejtësi dhe saktësi kirurgjikale me portën! Këto janë të dhënat e një sulmuesi që fitoi menjëherë dashurinë e Steven Gerrard teksa mbërriti në huzim te Rangersi. Sa herë që legjenda e futbollit fliste për lojtarin që i?u afrua në skuadër, vlerësimet ishin nga më të lartat.

Por kjo ?dashuri? e madhe, kërkohej të vazhdonte pa shpenzime. Asnjëherë nuk ndodh kështu dhe nuk mundej me Kamberin. Rangersi kërkonte që të vazhdonte zgjatjen e huazimit te Kamberit deri sa të vinte momenti i skadimit të kontratës me Hibernianin, që ta transferonin falas.

Ky propozim u hodh poshtë menjëherë dhe së fundmi Kamberi ka firmosur me St Gallen. Këta të fundit janë nënkampionët e Zvicrës dhe luftuan deri në takimet e fundit me Young Boys për të marrë vendin e parë. Kontrata e firmosur është deri në vitin 2023 dhe e zyrtarizuar nga ana e klubit, megjithëse nuk bëhet ende saktësisht e ditur vlera e transferimit.





Lajmet e fundit nga