web counter
LEXO PA REKLAMA!

SHKARKO APP

Tronditet Tirana, Ngo refuzon rinovimin me bardheblutë

6 Gusht 2020, 12:41, Sport CNA

Majkëll Ngo pritet të qëndrojë te Tirana gjatë ndeshjeve të Champions League dhe më pas të mbyllë bashkëpunimin me bardheblutë pas tre sezonesh, ku arriti të bëjë mjaft mirë. Sulmuesi anglo-nigerian ka përfunduar kontratën e tij me Tiranën dhe klubi bardheblu ka punuar për të rinovuar me të, i ndikuar edhe nga forma e mirë e tij gjatë këtij sezoni.

28-vjeçari arriti të shënojë 13 gola dhe të dhurojë 15 asiste në 31 ndeshje në Superiore me kampionët. ?Allnigeriasoccer? mëson se Tirana i ka propozuar sulmuesit një kontratë dyvjeçare, shifrat e së cilës nuk bëhen të ditura, por Ngo nuk është bindur dhe ka refuzuar të vijojë bashkëpunimin me bardheblutë.

Kështu, ai largohet pas tre vitesh te bardheblutë, ku e nisi në Kategorinë e Parë e më pas u kthye në Superiore e në sezonin pasues u shpall kampion. Cikël i suksesshëm për sulmuesin, i cili tani po shqyrton një sërë ofertash në drejtim të tij. Mësohet se klube nga Arabia, Polonia, Turqia dhe Belgjika kanë shprehur interesin e tyre për të afruar bomberin e Tiranës.





Lajmet e fundit nga