web counter
LEXO PA REKLAMA!

SHKARKO APP

App Store
Google Play

Mbyllet Bundesliga, mësoni të gjitha verdiktet e javës së fundit

27 Qershor 2020, 16:13, Sport CNA

U luajt java e fundit e Bundesligës ku nuk munguan golat e shumtë, si dhe u dhanë verdiktet për skuadrat që shkojnë në Kupat e Europës dhe ato që bien nga kategoria. Fitoren më të thellë e arriti Verder Bremen që shkatërroi 6-1 Këlnin. Në këtë sfidë shënoi edhe Rashica, i cili dyfishoi provizorisht rezultatin në pjesën e parë.

Shalke u mund thellë nga Freiburgu i Abrashit 4-0. Lojtari shqiptar u aktivizua në minutën e 66 të takimit. Humbje surprizë e Dortmundit 0-4 nga Hofenheim. Heroi i skuadrës mike ishte Kramariç që realizoi një poker golash. Kramariç realizoi dy herë në pjesën e parë dhe dy herë në të dytën duke kompletuar ndeshjen fantastike të tij.

Union Berlin i bëri një nder Verderit të Rashicës pasi mundi rivalin e tyre për mbijetesë Duseldorfin 3-0. Bajern Mynih edhe pse është shpallur kampion nuk ka falur teksa ka mundur thellë 4-0 në transfertë Volsburgun. Për bavarezët shënoi Koman dhe Kruisance në pjesën e parë ndërsa në fraksonin e dytë shënoi Levandovski me penallti që forcoi pozitën e tij për tu shpallur golashënuesi i Bundesligës, kurse goli tjetër erdhi nga Myler. Frankfurti triumfoi me rezultatin 3-2 ndaj Paderbornit të vendit të fundit.

Lajpcig fitoi në fushën e Augsburgut 2-1 ku shënoi edhe Verner. Lajpcig me këtë fitore zuri vendin e dytë. Gladbah fitoi 2-1 kundër Herta Berlinit duke u konfirmuar në vendin e katërt. E vetmja sfidë me rezultat minimal ishte ajo mes Leverkusenit dhe Mainzit ku vendasit iu falën golit të hershëm të Volland që në minutën e dytë. Bajern Mynih, Dortmund, Lajpcig dhe Myshengladnahu janë skuadrat që kualifikohen në Ligën e Kampionëve, kurse në Europa Ligë shkojnë Leverkusen, Hofenheim, dhe Volsburg. Nga kategoria bien Padërborni dhe Duseldorfi, ndërsa Verder Bremeni i Rashicës do luajë play-off.





Lajmet e fundit nga