web counter
LEXO PA REKLAMA!

SHKARKO APP

App Store
Google Play

E fundit!

x

Titulli kampion me Bajernin, zbuloni rekordin e vendosur nga Koman

17 Qershor 2020, 10:15, Sport CNA

Kingslej Koman është një futbollist me shumë talent dhe kjo është e dukshme në fushë, teksa francezi ia del të jetë në avantazh ndaj mbrojtësve. Mirëpo, sulmuesi nuk ka pasur shumë fat në lidhje me dëmtimet të cilat shpeshherë e kanë lënë për një kohë të gjatë jashtë fushe.

Por, Koman nuk është pafat në të gjitha aspektet, pasi ai në moshën 24-vjeçare ka vendosur një rekord të veçantë duke qenë se me titullin e fituar mbrëmjen e djeshme me Bajern Mynih, shkon në nëntë tituj me tre skuadra të ndryshme. Sigurisht, pjesën më të madhe e ka fituar me bavarezët duke u shpallur kampion i Gjermanisë për pesë herë, ndërsa dy herë është shpallur kampion me PSG dhe po ashtu dy herë edhe me Juventusin.

Në fakt me bardhezinjtë, Koman ka qëndruar vetëm për një sezon të plotë, ndërsa në vitin e dytë u largua në fund të gushtit drejt Bajernit. Por, duke qenë se ishte aktivizuar për 64 minuta me torinezët, në fund të sezonit kur këta të fundit u shpallën kampionë, aty u llogarit edhe Koman. Kështu, Koman i gëzohet një rekordi të veçantë, ndërsa përpara ka dhe shumë vite karrierë.





Lajmet e fundit nga