E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Të prekurit në sistemin shëndetësor/ Manastirliu: QSUT nuk është vatër infeksioni

16 Qershor 2020, 19:44, Lifestyle CNA

Ministrja e Shëndetësisë Ogerta Manastirliu, foli mbrëmjen e sotme për rastet e infektimit në sistemin shëndetësor.

Manastirliu deklaroi se nuk është një situatë për tu nënvlerësuar por nuk pranoi të cilësonte QSUT vatër infeksioni.

?QSUT nuk ka qënë një vatër po themi infeksioni, apo nuk mund të konsiderohet një vatër, mund të konsiderohet një shërbim pra aty ku ka patur një zanafill të infektimit i cili është ndërprerë në sajë të hetimit epidemiologjik. Dhe lajmi i mirë është që shërbimi i mjekësisë interne, i cili u mbyll pas gjithë masave që u morën përsëri është kthyer në shërbim dhe vijon të ofrojë shërbime për qytetarët. Fenomene të tilla nuk janë vetëm në Shqipëri, në San Rafaele në Romë në një spital shumë të njohur pati një infeksion, në Spanjë gjithashtu në SHBA. Këto fenomene njihen në struktura sic janë spitalet ku ekspozimi ndaj virusit është më i madh. Por nga ana tjetër mbrojtja e personelit dhe zbatimi i protokollit nga personeli duhet të jetë po aq me të gjitha paramentrat që duhet, që të mos lejojmë një shpërndarje të infeksionit. Sigurisht mund të ketë pasur një problematikë të caktuar dhe këtë duhet ta pranojmë sepse duhet të përmirësohemi dhe aty ku ka patur një problematikë të vogël dhe QSUT është duke marrë masa për të vlerësuar me hetimin epidemiologjik se kush është shkaku i zanafillës së infeksionit?, tha Manastirliu në Përballë.

Ministrja pretendon se me hapjen e të gjitha shërbimeve shëndetësore ekspozimi ndaj virusit është më i lartë.

?Ekspozimi është shumë herë më i madh sepse aty vijnë të sëmurët kronikë aty vijnë të sëmurët urgjent aty ballafaqohen shumë më shpesh me ata të cilët e kanë marrë virusin dhe sigurisht nuk mund të flasim për vatra infeksioni. Duhet të flasim për hetime të cilat janë kryer në kohë për të parandaluar që ky zinxhir infeksioni të na shkaktonte mbylljen e spitaleve. Atëherë po do të ishim në një situatë ku do të kishim një alert shumë më të madh. Po sigurisht kjo nuk është një situatë për tu nënvlerësuar, përkundrazi?, u shpreh ajo./ CNA.al