E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Shansi i Partizanit, Sormani mund të qëndrojë në kryeqytet

14 Qershor 2020, 07:40, Sport CNA

Katër fitore, një barazim dhe tetë humbje është bilanci i trajnerit Adolfo Sormani me Partizanin. Edhe golavarazhi është negativ, me 18 gola të shënuar dhe 23 të pësuar. Aq sa ka pësuar Partizani nën drejtimin e Sormanit në këtë periudhë, klubi nuk i ka marrë për një kampionat të tërë në sezonet e shkuara. Këtu përfshihen 11 ndeshje në kampionat dhe dy ballafaqimet e Kupës me Besëlidhjen, ku në fund Partizani pësoi një eliminim të turpshëm.

Madje disfata e Kupës u bë burimi i të gjitha të këqijave që po vuan aktualisht Partizani, ku plasën gjobat dhe spastrimet nga radhët e skuadrës. Përveç këtyre statistikave negative, nën drejtimin e Sormanit të kuqtë kanë vendosur edhe një rekord ?të zi?: askush nuk mban mend se kur Partizani ka pësuar 5 humbje radhazi në kampionat. Në dallim nga gjithë paraardhësit që kanë drejtuar në epokën ?Demi?, kurrë më shumë se me Sormanin e këtij sezoni drejtuesit nuk kanë qenë kaq të duruar.

Tani është radha e teknikut italian që të shpërblejë superbesimin dhe mbështetjen që presidenti Gaz Demi i ka dhënë. Kalendari e favorizon për momentin 54-vjeçarin, pasi në letër Partizani ka dy ndeshje të lehta. Përballja me dy ekipet që matematikisht kanë rënë nga Superiorja, Luftëtari dhe Flamurtari, shikohen si burim për të mbledhur forcat dhe energjitë në mënyrë që të kuqtë, jo vetëm që t?i largohen zonën ?play out?, por edhe të pretendojnë për një biletë në Kupat e Europës. Me gjashtë pikë në dy javët në vazhdim mund të ndryshojë atmosfera në kampin e kuq, si dhe të hapet drita jeshile për trajnerin Sormani për të realizuar objektivat e tij dhe për të nisur punën për sezonin pasardhës.

Tekniku italian u ka dorëzuar drejtuesve një listë me futbollistë që ai ka piketuar për sezonin e ri, ku i del për zot ekipit duke marrë edhe përgjegjësitë. Deri tani ai është justifikuar se këtë skuadër ka gjetur dhe me projektin që ka dorëzuar, garanton suksesin në edicionin pasardhës, edhe pse janë lëkundur shumë pozita në klub.