web counter
LEXO PA REKLAMA!

SHKARKO APP

App Store
Google Play

E fundit!

x

Bundesliga/ Gjasula vendos rekord dhe humbet duelin me Rashicën, Haland bën heroin te Dortmund

13 Qershor 2020, 16:01, Sport CNA

Kanë përfunduar para pak çastesh një pjesë e ndeshjeve të javës së 31-të të Bundesligës gjermane. Një duel mjaft interesant ishte përballja mes Paderbornit dhe Verder Bremen, ku luajnë Klaus Gjasula dhe Milot Rashica. Ka qenë pikërisht skuadra e këtij të fundit, që ka shkatërruar me rezultatin 1-5 Paderbornin, duke marrë tre pikë të rëndësishme në sfidën për të mbijetuar në elitë.

Ndeshje negative për të dy lojtarët shqiptarë, me Gjasulën, që u ndëshkua me të verdhë dhe theu rekordin e Tomas Hajtos dhe Rashica humbi një penallti dhe u zëvendësua pa u mbushur një orë lojë. Borusia Durtmundit i mjaftoi një gol i Haland në sekondat e fundit për të marrë tre pikë ndaj Fortuna Dyseldorf, ku nga minuta e parë luajti Valon Berisha.

Këlni i Elvis Rexhbeçajt u mund 1-2 nga Union Berlin. Mesfushori 22-vjeçar e nisi nga stoli këtë ndeshje, për tu futur në lojë në minutën e 70, pa mundur të shpëtojë ekipin e tij nga humbja. Amir Abrashi nuk luajti asnjë minutë në barazimin 2-2 të Frejbrugut të tij ndaj Volsburgut dhe në ndeshjen e mbetur Ajntrahti shkatërroi Herta Berlin me rezultatin 1-4.

Golin e vetëm për kryeqytetasit e shënoi Kristof Piotek, ndërsa Bojata u ndëshkua me të kuq pas një faulli si lojtari i fundit dhe la Hertën gjithë pjesën e dytë me 10 lojtarë, çka ndikoi në përmbysjen e Ajntrahtit. Java e 31 e Bundesligës mbyllet në mbrëmje me supersfidën Bajern Mynih-Borusia Monçegladbah, e cila nis në orën 18:30.

Bundesliga, Java 31

Këln-Union Berlin 1-2
Volsburg-Frejburg 2-2
Herta Berlin-Ajntraht Frankfurt 1-4

Paderborn-Verder Bremen 1-5





Lajmet e fundit nga