Digitalb nuk e paguan prej gati 2 vitesh/ FSHF pezullon transmetimin e ndeshjeve të kampionatit

13 Qershor 2020, 19:21, Sport CNA

Në media po bën bujë prej dy ditësh lajmi i mospagesës së punonjësve të Digitalb. CNA.al publikoi sot dy emaile zyrtare që vërtetonin se pagat po i mban peng administratori i aksionerëve të pakicës së drejtuar nga Vjollca Hoxha, Redi Lamaj.

Gjithashtu u tha se ai ka urdhëruar të mos bëhet edhe pagesa e kampionatit spanjoll dhe pagesa e kampionatit shqiptar, ndaj edhe Digitalb nuk ka transmetuar ndeshjet e kampionatit spanjoll.

Gjithashtu u tha se rrezikon që prej ditës së nesërme të mos transmetohen as ndeshjet e kampionatit shqiptar si rezultat i mospagesës së FSHF prej gati 2 vitesh.

Për këtë ka reaguar zyrtarisht edhe Federata Shqiptare e Futbollit , e cila lajmëron se është pezulluar transmetimi në Digitalb.

?Duke filluar nga ndeshja e ditës së diel, datë 14.06.2020 mes Partizanit dhe Luftëtarit, FSHF ka vendosur pezullimin e transmetimit te ndeshjeve te javës së 29-të të Kampionatit Kombëtar të Futbollit dhe ndeshjet e Kupës së Shqipërisë nga shoqëria ?Digitalb?.

Ky vendim vjen si pasojë e neglizhencës kontraktore nga ana e subjektit të licencuar për zbatimin e kushteve të dakordësuara në kontratë dhe ezaurimit të të gjitha hapave të nevojshme ligjore. Më konkretisht, përmes njoftimeve Nr. 725 Prot. datë 17.05.2019, Nr.1099 Prot. datë 02.09.2019 dhe Nr.337 Prot. datë 09.03.2020 me lëndë ?Përmbushje detyrimi? FSHF ka kërkuar pagimin e shumës së akumuluar si pasojë e mospagesës, por pa pasur asnjë përgjigje zyrtare nga ana e ?Digitalb?.

Pavarësisht sa më sipër, duke mos dashur ?black-out?-in e aktivitetit futbollistik FSHF ka propozuar më datë 04.06.2020 një skedul pagesash për të amortizuar borxhin duke vendosur një afat të arsyeshëm për pagimin e tyre. Me kalimin e këtij afati dhe në mungesë të një përgjigje zyrtare, FSHF njofton me keqardhje se është e detyruar të pezullojë transmetimin për ?Digitalb?. Pa paragjykuar hapat e nevojshëm ligjor, ky ndalim i transmetimit do të vijojë deri në përmbushjen e detyrimeve kontraktore.

FSHF dëshiron të nënvizojë se borxhi i akumuluar është i konsiderueshëm dhe se në kushtet kur këto janë të ardhura të drejtpërdrejta të klubeve anëtare, të cilat privohen padrejtësisht prej tyre, aq më shumë në situatën e vështire ekonomike të shkaktuar nga përhapja e COVID-19. Sakaq, krahas përpjekjeve për kapërcimin e kësaj situate, FSHF ka marrë përsipër kostot për transmetimin e ndeshjeve në faqen e saj zyrtare në internet www.fshf.org pa pagesë në mënyrë që futbolldashësit shqiptarë të mos humbasin mundësinë për të ndjekur skuadrat e tyre të zemrës?, thuhet në deklaratë./ CNA.al

Ekskluzive/ Ja kush i bllokon pagat e 300 punonjësve të Digitalb

Frangaj: Është marrëzi të mos japësh pagat e punonjësve të tu kur lekët i ke në bankë

Pagat e punonjësve të Digitalb/ Aleksandër Frangaj: I ka bllokuar Ben Blushi me Vjollca Hoxhën