web counter
LEXO PA REKLAMA!

SHKARKO APP

App Store
Google Play

E fundit!

x

Futbollisti i Kombëtares në formë pas pandemisë, gjen golin në Zvicër

14 Qershor 2020, 09:00, Sport CNA

Futbolli zviceran do të kthehet pas disa ditësh dhe skuadrat kanë nisur intensivisht përgatitjet për të qenë në formë sa më të mirë në rinisje. Ditën e sotme ekipi i Ksamaks, ku aktivizohet një prej lojtarëve të kombëtares sonë, ka zhvilluar një miqësore ndaj Lausane-Ouchy.

Ekipi i Taulant Seferit ka mundur të fitojë me shifrat 4-2 këtë ndeshje, duke treguar shenja shumë të mira para rinisjes. Kanë qenë miqtë, që kanë shënuar të parët në minutën e 15, por Ksamaks është përgjigur shpejt dhe ka mundur të barazojë 11 minuta më pas me Nuzolo.

Pas tij, ?stafetën? e shënimit e ka marrë sulmuesi i kombëtares shqiptare, Seferi, i cili ka gjetur rrugën e rrjetës dhe të përmbysjes për skuadrën e tij në minutën e 31. Sinjale të mira nga ky gol i 23-vjeçarit, që tregon se është në formë pas ndalesës dhe është gati të ndihmojë skuadrën e tij për të mos rënë nga Super Liga zvicerane.

Kamber ka trefishuar shifrat për Ksamaks, por Lausane nuk është dorëzuar dhe ka mundur të shkurtojë shifrat në 3-2. Për të mbyllur këtë ndeshje mendon një tjetër lojtar me origjinë shqiptare. 21-vjeçari Liridon Mulaj arriti të shënojë në minutën e 75 dhe të fiksojë shifrat në 4-2.





Lajmet e fundit nga