Gafat e Rudinës bëhen virale/ S'përmbahet moderatorja: Ata janë perla o bukëshkalë

9 Maj 2020, 19:47, Lifestyle CNA

Moderatorja Rudina Magjistari njihet për gafat dhe lapsuset e shumta që bën gjatë emisionit të pasdites.

Faqet e memeve i kanë publikuar këto video, të cilat janë bërë virale në rrjetet sociale.

Mirëpo pak më parë ka ardhur edhe reagimi i vetë moderatores, e cila tejet e irrituar i është përveshur keq publikuesve të këtyre videove.

Rudina thotë se këto video janë perla dhe jo gafa, ndërsa thekson se kështu ajo ka bërë shumë njerëz të qeshin pafund.

“Kaq i rrallë është spontaniteti në këtë vend, natyralja, e vërteta, sa habiten kur e ndeshin. Dhe i duket se ç?gjëmë ka ndodhur! Mesa duket ka aq shumë falsitet e injorance, sa të jesh vetvetja dhe të bësh një televizion natyral, siç ka qenë filozofi e imja gjithë jetën, duket si herezi. Në vend që të kënaqeni e të shijoni një komunikim joskematik, protestoni se sa poshtë ka rënë televizioni. Po turp, s?ju vjen?!
I quani gafa, po nga ato të gjithë bëjmë e të gjithë qeshim me njëri-tjetrin. Kurse unë do t’i quaja perla more të uruar, sepse na e rrëmbejnë një buzëqeshje gjatë ditës. Sigurisht, ndryshe nga tuajat, apo edhe nga ata që bëjnë një program një dite të vetme në javë dhe kanë kohë ta krasisin siç duan, ato të miat kane më shumë vizibilitet. Sepse gjërat janë të lidhura: orët televizive në transmetim, intensiteti, publiku, audienca, shtrirja në vite e programit, dhe sidomos po të kthehet në objektivin tuaj, sigurisht që duken shumë”, shkruan ajo në rrjetet sociale.

Moderatorja deklaron se nuk i pëlqen të përgatisë skenare ndaj edhe çdo gjë është spontane, ndërsa këtë e quan stil unik të të bërit televizion.

“S?po merrem pastaj me rastet, kur unë vetë i ngacmoj të ftuarit me humor dhe ata ?të mprehtët?, që janë mësuar vetëm me standardin e humorit të hungërimave, e quajnë si lajthitjen e rradhës. E di që shumë prej jush, do thonë ?po c?merresh me ta?! S?ia vlen! Po ja, që duhet ta shkruaj pikërisht për ta. Që të lexojnë e të kuptojnë, se televizioni në fund fare është argëtim, përveçse informim dhe edukim. Dhe jam krenare që programi im i përmban denjësisht të gjitha këto. Shumë prej jush kanë mësuar pafund nga ky program, ku është prekur çdo lloj teme e dhënë këshilla e mësime në të gjitha format me shumë përkushtim dhe kjo mua më përmbush. Pavarësisht, se është dëshpërues fakti se jeni bukëshkalë e të paedukuar. Ju dashakeqë, që kujtoni se po bëheni interesante, uroj t?ju hyjë ndonjë gjë në kokë nga këto, se po s?hyri në kokë do hyjë në këmbë… Jeni thjesht ca paçavure për të vrarë kohën”, përfundon Magjistari./ CNA.al