E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Pipero jep lajmin/ "Shumë shpejt mund të kemi në dispozicion imunoglobulinë, ndihmon për kurim"

5 Maj 2020, 18:56, Lifestyle CNA

Mjeku Pëllumb Pipero ka folur për krijimin e vaksinës së koronavirusit, për të cilin thotë se mund të zgjasë 1 vit e gjysmë deri në 2 vjet për tu krijuar.

Infeksionisti tregoi se shumë shpejt mund të kemi në dispozicion një imunoglobulinë që do të na ndihmojë për të shëruar rastet e rënda me koronavirus.

Pipero theksoi se nëse kthehet një valë e dytë do të ketë efekte disa herë më të vogla negative sesa pati ketë radhë

“Në rast se nuk kemi një vaksinë mund të zgjasë një vit e gjysmë deri në dy vjet. Por, duhet të kemi në konsideratë që rikthimi i një vale të dytë nuk do ketë këtë impakt që pati në valën e parë. Një pjesë e madhe e qytetarëve bie në kontakt, duke rënë në kontakt krijojnë imunitet. Informacioni i ardhur nga Universiteti në Utrechtit për identifikimin definivisht të antitrupave humane anti covid është lajmi më i madh që kam dëgjuar unë gjatë këtyre ditëve. Kjo dëshmon që organizimi jo vetëm që prodhon antitrupa, por këto antitrupa janë efektive dhe e neutralizojnë virusin.

Çka dëshmon që ne shumë shpejt edhe nëse nuk do kemi një vaksinë shumë shpejt mund të kemi në dispozicion një imunoglobulinë, e cila do të na ndihmojë të mos kemi raste të rënda apo të ndihmojmë rastet e rënda për t’i mjekuar. Fakti që prodhohen antitrupa dëshmon që personat që bien në kontakt fitojnë imunitet. Së dyti sistemet shëndetësore do jenë shumë herë më të përgatitura. Së treti nuk është e thënë t’i themi njerëzve në fund të këtij viti dy herë kujdes se kemi virusin. Por boll t’ja rikujtojmë dhe ata do t’i zbatojnë. Prandaj për të gjitha këto arsye them se rikthimi i një vale të dytë në fund të vjeshtës apo në fillim të dimrit do ketë efekte disa herë më të vogla negative sesa pati ketë radhë”, deklaroi ai në Rtv Ora./ CNA.al