web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimi i kurbës/ Kalo: Është ndikuar nga shtrirja e testimeve

27 Prill 2020, 18:42, Lifestyle CNA

Kurba e shifrave të të prekurve në vendin tonë ka shënuar ulje dhe ngritje duke na bërë tepër konfuzë, ndonëse mjekët vazhdojnë të thonë që është e qëndrueshme.

Mjeku Tritan Kalo tha se kjo gjë ndikohet nga disa faktorë dhe i pari sipas tij është shtrirja e numrit të testimeve.

“Numri i rasteve pozitive ka të bëjë me disa faktorë. Së pari, shtrirjen e testimeve në vatrat e reja të personave të kontaktit ose të rrethit të parë ose të dytë, ka të bëjë me numrin e përgjithshëm të testimeve, pozitivitetin e tyre. Si rregull në botë nga numri i përgjithshëm i testimeve pozitiviteti varion midis 8 dhe 12 %. Ne jemi afërsisht tek 11%, duke pasur parasysh totalin e 7409 testimeve dhe pozitive deri më sot kanë rezultuar 7306”, u shpreh ai në një lidhje me Tv Klan.

Mjeku deklaroi se situata është nën kontroll, pasi pretendon se ajo që e bën të papërballueshme është shtimi i numrit të shtrimeve në spital dhe mbi të gjitha shtimi i të sëmurëve që trajtohen në terapi intensive.

“Fatmirësisht numri i të shtruarve në spital është në shifra relativisht të ulëta dhe numri i të trajtuarve me terapi intensive kurrë si ka kapërcyer kapacitetet këtyre reparteve në vlerën 50-60% të tyre, çka e bën të mundshme të mirëmenaxhohen rastet e ardhura në spital”, nënvizoi Kalo./ CNA.al





Lajmet e fundit nga