E fundit!

19:16 Aktualitet

Për rreth një muaj çdo ditë në shesh/ Mbahet protesta e 28-të kundër qeverisë

Ka nisur protesta e 28-të kundër qeverisë. Ashtu si në dit...

Për çdo akt që cënon lirinë e medias/ Gazetarët në protestë para Prokurorisë

14 Prill 2019, 09:14, Aktualitet CNA

Ditën e sotme do të zhvillohet një protestë nga gazetarët. Pas episodeve të ndodhura gjatë punës së gazetarëve, ata kanë njoftuar se ditën e sotme do të protestojnë përpara Prokurorisë së Përgjithsme.

Vendimi për protestën erdhi pasi truproja e prokurores Arta Marku shtyu me forcë gazetarin e televizionit ?Klan?.

Njoftimi i gazetarëve:

GAZETARËT NË PROTESTË

Ditën e premte (12.04) rojet e sigurisë së Prokurores së Përgjithshme të Përkoshme, Arta Marku, ushtruan dhunë fizike ndaj gazetarit Renaldo Salianji, gjatë kohës që po kryente detyrën e tij.

Pak ditë më parë, Kryetari i Bashkisë së Pukës kërcënoi me ?varje? gazetarin e emisionit Investigativ ?Fiks Fare?, teksa ky i fundit kryente detyrën.

Forcat e policisë penguan gazetaren Dorjana Bezat teksa raportonte live për shembjen e banesave tek ?Bregu i Lumit?.

Dhuna policore qëlloi mbi gazetarin Erion Skëndaj gjatë raportimin të protestës së opozitës.

Komuniteti i gazetarëve dënon keto akte të rënda dhe të papranueshme të ndodhura vetëm së fundmi me punonjësit e medias. Këto veprime cënojnë jo vetëm integritetin fizik të gazetarëve, por edhe lirinë e medias.

Sot, gazetarët në Shqipëri po përballen me sulme fizike nga zyrtarë dhe njerëz të pushtetit, sikundër edhe me arrogancën institucionale, që shkel rëndë misionin e medias.

Si reagim i fortë ndaj dhunës që kërcënon gazetarët, heshtjes së institucioneve përgjegjese për të dënuar këto akte, kemi vendosur që ditën e Dielë ora 16:00-17:00 para Prokurorisë së Përgjithshme të protestojmë.

Ne kërkojmë shkarkimin e menjëhershëm të Truprojës së Arta Markut dhe që Prokuroria e Përgjithshmë të kërkojë falje për aktin e kryer.

Ne kërkojmë zbatimin e ligjit për kryetarin e Bashkisë së Pukës.

Ne kërkojmë të na lini të kryejmë detyrën tonë!

Ne protestojmë për çdo akt që cënon lirinë e medias dhe gazetarit!

Lajmësi është i shenjtë! /CNA.al