web counter
LEXO PA REKLAMA!

SHKARKO APP

App Store
Google Play

Belind Këlliçi: Zonja 5 milion euro e doganave dhe Elisa e Skënderbeut

25 Mars 2019, 17:35, Aktualitet CNA

Kryetari i Forumit Rinor të Partisë Demokratike, Belind Këlliçi, ka reaguar pas deklaratave të Elisa Spiropalit.

Ministrja e Shtetit për Marrëdhëniet me Parlamentin, më herët, deklaroi se drejtuesi i PD-së, Lulzim Basha, gënjen dhe është koha që të përgjigjet përpara organit të Prokurorisë.

Sipas Këlliçit, personi i fundit që duhej të reagonte, në lidhje më këtë çështje, është Spiropali, pasi ajo duhet të japë llogari për milionat e vjedhur në Drejtorinë e Përgjithshme të Doganave.

Ngjarjet e fundit politike kanë bërë që dy partitë kundërshtare të akuzojnë njëra-tjetrën për përfshirje në afera korruptive dhe vjedhje të taksave të shqiptarëve.

?Zonja 5 milion euro e doganave ose Elisa e Skënderbeut paska marrë në mbrojtje sot prokurorinë, fill pas nisjes së hetimeve, në fakt, për vjedhjen e 550 mln lekëve së bashku me burrin dhe vëllain e saj në tendera publike. Elisës i takon tamam kjo mbrojtje sepse me një Prokurori të pakapur nga Skënderbeu i saj, Elisa sot do ishte në burg për abuzimet miliona euroshe. Por tik tak, tik tak, ora po vjen që të japësh llogari për çdo qindarkë dhe të kthesh tek qytetarët çdo lekë që u ke marrë me aferat e tua korruptive?,- shkruan Këlliçi. /CNA.al





Lajmet e fundit nga