web counter
LEXO PA REKLAMA!

SHKARKO APP

App Store
Google Play

E fundit!

x

Astrit Patozi e thotë copë/ Studentët nuk kanë vetëm problemin e tarifave

11 Dhjetor 2018, 15:00, Aktualitet CNA

Ish-nënkryetari i Partisë Demokratike ka qenë i ftuar në emisionin Top Talk në Top-Channel ku ka folur për protestën e studentëve.

I pyetur nga gazetari se nëse protesta e studentëve para Ministrisë së Arsimit është e ngjashme me atë të viteve 90?, ish-Kryetari i Grupit Parlamentar i PD-së tha se ato janë të ngjashme deri diku, por nuk janë njësoj.

?Sot besoj se protesta është spontane është e ngjashme me atë të viteve 90?, por nuk është si ajo, është një protestë që e sjell koha. Me duket se tarifat janë preteksti pse studentët janë aty.?- tha ai.

Ndërsa për moslejimin e përfshirjes së politikanëve në këtë protestë, Patozi tha se do dontë të kishin qëllime politike, por në të njëjtën kohë u shpreh se tani është koha që ata të marrin leksione nga studentët.

?Unë do doja shumë që ata të kishin, po nuk i mësoj dot, refuzoj t?i jap këshilla demokracie sepse ata po na japin ne sot.?- vijoi ish-deputeti i PD-së.

Ndërsa sa i përket mospranimit të opozitës në protestë Patozi deklaroi se kyy është një rast unikal.

?Ky është rast unikal, këto nuk kanë të bëjnë thjesht dhe vetëm me këtë kryeministër, por ka të bëjë me të gjithë klasën politike, do doja shumë që protesta e tyre të kalonte në kërkesa politike, sepse është në nevojë të tyre nuk është vetëm për tre apo katër vitet që janë në auditor, po është edhe për Shqipërinë që do gjejnë ata kur të dalin nga ato auditore.?- tha ish-nënkryetari i PD-së.

Ai tha se problemi kryesor në vendin tonë është situata anormale politke, ndaj dhe studentë nuk duan asnjë përfaqësim politik në protestën e tyre.

?Problemi është që në Shqipëri është  një situatë anormale ndaj doli kjo, nëse protesta do ishte vetëm për tarifat do gjendje kollaj një zgjidhje, nuk është puna si i drejtohet kryeministri dhe lideri i opozitës ata nuk i dëgjojnë kjo është këmbana. Studentët nuk janë të zgjedhur ata janë një alarm i madh.?-u shpreh ai./CNA.al





Lajmet e fundit nga