E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Ngritja e KLP/ Gjonaj: Ky është një kapitull i ri për drejtësinë

11 Dhjetor 2018, 12:53, Aktualitet CNA

Ministrja e Drejtësisë Etilda Gjonaj ka dhënë mesazhe inkurajuese gjatë fjalës së saj në mbledhjen e përgjithshme të prokurorëve që u zhvillua paraditen e sotme.

Kjo mbledhje është mbajtur për zgjedhjen e anëtarëve përfaqësues për Këshillin e Lartë të Prokurorëve, institucionqë është shumë i rëndësishëm në procesin e reformimit të drejtësisë shqiptare.

Gjatë fjalës së saj Gjonaj tha se është përgjegjësia e vetë prokurorëve të zgjedhin më të mirët në krye të këtij institucioni.

?Është përgjegjësia juaj që përmes një proçesi transparent dhe legjitim të zgjidhni anëtarët tuaj për KLP, duke treguar njëherësh edhe vendosmërinë tuaj në reformimin e mëtejshëm të sistemit.”- u shpreh ajo.

Më tej Gjonaj shtoi se pavarësia vendmimarrëse e prokurorëve mund të jetë e plotë vetëm nëse do ketë një ndarje përfundimtare nga ndikimi politik.

?Pavarësia vendimmarëse e prokurorëve, barazia e tyre në status me gjyqtarët, garancia për qëndrueshmëri në detyrë dhe promovimin në karrierë, ndarjen përfundimisht nga ndikimi politik dhe një sërë elementësh të tjerë janë risi thelbësore që reforma sjell për prokurorinë shqiptar?- tha ministrja e Drejtësisë.

Ministrja Gjonaj iu bëri me dije të pranishmëve në mbledhje se nga muaji tjetër do hyjë në fuqi sistemi i ri i pagave.

?Duke filluar nga muaji tjetër, hyn në fuqi sistemi i ri i pagave dhe trajtimit financiar për gjyqtarët dhe prokurorët, duke sjellë kështu të paktën dyfishimin e pagave tuaja si dhe duke rritur garancitë dhe përfitimet e tjera financiare?- vijoi ajo.

Ndërsa ditën e mërkurë pas prokurorëve radhën e kanë gjyqtarëve të mblidhen për të zgjedhur anëtarët e Këshillit të Lartë të Gjyqësorit. Ngritja e këtyre institucioneve do i hapë rrugë ngritjes së SPAK, strukturës që do të luftojë korrupsionin dhe krimin e organizuar deri në nivelet e larta të politikës dhe administratës./CNA.al