web counter
LEXO PA REKLAMA!

SHKARKO APP

App Store
Google Play

E fundit!

x

Zgjidhja e konfliktit në Siri/ Fuqitë e mëdha takim të jashtëzakonshëm

28 Tetor 2018, 18:17, Aktualitet CNA

Liderët e Gjermanisë, Turqisë, Rusisë dhe Francës, zhvilluan një takim të jashtëzakonshëm, për zgjidhjen e konfliktit në Siri.

Gjatë takimit, u vu theksi tek rëndësia e një armëpushimi të qëndrueshëm, si dhe u nënvizua domosdoshmëria e luftës kundër tërrorizmit, shkruan DW

Në deklaratën e nënshkruar nga Angela Merkel,Emanuel Macron, Rexhep Tayip Erdogan dhe Vladimir Putin, thuhet se do të mundësohet një kthim i sigurtë me vullnet të lirë i rrefugjatëve sirianë.

Ndërkohë do të dënohen të gjitha planet separatist, që cënojnë sovranitetin dhe integritetin territorial të Sirisë dhe sigurinë kombëtare të fqinjëve.

Për Turqinë, separatistë konsiderohen milicët kurdë në veri të Sirisë, të cilët sipas Ankarasë mbështeten nga SHBA-ja.

Gjithashtu pjesëmarësit kërkojnë hartimin e një kushtetute të re dhe zhvillimin e zgjedhjeve të lira, të cilat do ti japin mundësi sirianëve, të zgjedhin për fatin e presidentit Bacha-al- Assad.

Erdogan u shpreh se  komiteti që do të hartojë kushtetutën duhet të ngrihet në Gjenevë deri në fund të vitit. Ndërsa Putin shtoi se kjo zgjidhje është e padiskutueshme dhe duhet të pranohet nga të gjitha partitë siriane.

Nga ana tjetër, kancelarja gjermane, Angela Merkel, theksoi se zgjidhja duhet të jetë politike dhe jo ushtarake, si dhe shtoi se shteti i saj, nuk do të tolerojë më përdorimin e armëve kimike në Siri. /CNA.al





Lajmet e fundit nga