web counter
LEXO PA REKLAMA!

SHKARKO APP

App Store
Google Play

E fundit!

x

Punonjësit e fabrikës së peshkut në protestë/ “Ti pezullohet liçensa kompanisë”

10 Tetor 2018, 20:25, Aktualitet CNA

300 punonjës të kompanisë së peshkut EURO-FISH në Lezhë janë ngritur në protestë për pagat e ulëta dhe kushtet e punës.

Në mbrojtje të tyre është konfederata e Sindikatave të Shqipërisë, e cila mbështet protestën e punonjësve dhe i kërkon institucioneve shtetërore të ndërhyjnë.

Është bërë e ditur se punonjësit paguhen 700 lekë në ditë, dhe 21 mijë lekë në muaj, ndërsa nga ana ligjore paga minimale është 24 mijë lekë në muaj.

Konfederata e Sindikatave i ka bërë thirrje Drejtorisë së Tatimeve në Lezhë dhe Inspektoriatit Shtetëror të Punës, të vihen në lëvizje dhe të mbrojnë interesat e 300 punonjësve shqiptar.

Ata kërkojnë të hetohen bilancet financiare të kësaj kompanie dhe të vihet në lëvizje prokuroria. Panorama e trishtë e fabrikës së peshkut EURO ?FISH në Lezhë është në shumicën e ndërmarjeve shqiptare.

Shteti nuk duhet të bëjë indiferentin por duhet të bëjë rregullatorin. Ministria e Financave falë meritës së Arben Ahmetaj e ka kthyer Këshillin Kombëtar të Punës në një organizëm fasadë dhe jo funksional.

KSSH i bën apel ministrit Arben Ahmetaj të arsyetojë dhe të rikthejë sa më parë në funksion Këshillin Kombëtar të Punës, si organizimin e vetëm që mund të ndikojë për të përmirësuar kushtet e punës për punonjësit shqiptar.





Lajmet e fundit nga