Artan Hoxha e zbuloi/ CNA.al e paralamëroi

10 Tetor 2018, 19:57, Aktualitet CNA

Ditën e sotme CNA.al në mënyrë ekskluzive paraqiti detaje të tjera rreth audio-përgjimit Babale-Xhafaj.

Jo më larg se mbrëmjen e djeshme deputeti i Partisë Demokratike, Ervin Salianji publikoi një video ku Alfred Alizoti pohonte se ishte dërguar në Prokurori nga kreu i Policisë së Shtetit, Ardi Veliu.

Salianji nuk dha emra se kush e kishte bërë të mundur regjistrimin e Alizotit, por CNA.al zbuloi se ishte një ish-oficer policie në komisariatet e kryeqytetit e më pas drejtor në Bashkinë e Tiranës, në kohën kur drejtonte Basha. Një person i akuzuar shpesh për korrupsion dhe me përplasje e precedente penalë.

Gjithashtu u mësua se për videon e parë dhe të dytë kanë qënë në dijeni edhe disa ish punonjës të lartë të Policisë së Shtetit, por edhe disa bashkëpunëtorë të tjerë të cilët kanë kryer edhe ndërhyrjet në të dyja videot. Tek e para dhe ajo e mbrëmshmja, të dyja të publikuara nga deputeti Ervin Salianji.

Sot gazetari investigativ Artan Hoxha, në studion e ?Repolitix?, ka zbuluar se personi që ka intervistuar ditën e djeshme, Fredi Alizotin është Florenc Hoxha, një ish-polic i njohur si i afërt në Partinë Demokratike.

?Florenc Hoxha është personi tjetër që ka intervistuar Fredi Alizotin, është me lidhje në PD, ish-polic. Në një vend me kaq shumë halle dhe skandale, harxhohet gjithë kjo energji me një histori të sajuar. Ne shajmë arbitrin që është Prokuroria?,- u shpreh Hoxha.

Kujtojmë këtu se ish-kreu i Policisë Bashkiake dhe INUV Tiranë, Florenc Hoxha, është dënuar nga gjykata me 1 vit e 4 muaj burg. Ai akuzohej për veprat penale ?Shpërdorim Detyre?, për të cilën u dënua me një vit burg dhe ?Plagosje e lehtë? për të cilën i dënua me 4 muaj burg.

Hoxha është denoncuar nga një familje në kryeqytet, pasi këtyre të fundit po i?u grabitej prona në rrugën ?Reshit Petrela? përgjatë vitit 2012 duke u bërë një ndërtim pa leje. Ndërtimi pa leje përfundoi një karburant, i cili dy vite më pas do të prishej nga Inspektoriati Ndërtimor Kombëtar si një objekt pa leje./ CNA.al

Artan Hoxha flet me emra/ Tregon kush është ish-polici që intervistoi Alizotin

Ekskluzive-Video-skandali i publikuar nga Salianji/ Ja kush realizoi përgjimin e Alizotit

Florenc Hoxha dënohet me 1.4 vjet burg