web counter
LEXO PA REKLAMA!

SHKARKO APP

E fundit!

x

Gazetarja “kryqëzon” Salianjin/ Pse nuk ke dorëzuar materialin bruto?

10 Tetor 2018, 17:35, Aktualitet CNA

Deputeti i Partisë Demokratike, Ervin Salianji i ftuar në rubrikën ?Mbrëmja? në abc news ka mbetur pa fjalë dhe është përpjekur t?i devijojë pyetjes kur është pyetur pse materiali bruto nuk i është dorëzuar Prokurorisë.

Salianji ka vijuar duke thënë se ata i kanë dorëzuar Prokurorisë çfarë i kanë kërkuar me shkrim dhe asgjë tjetër. Pas insistimit të gazetares ai tha se ai e ka materialin bruto, ndërsa shtoi se ja ka dorëzuar Prokurorisë.

Milori: Pse nuk u dorëzua materiali bruto, por vetëm ai i ndërhyrë?

Salianji: Ne i kemi dorëzuar Prokurorisë çfarë na ka kërkuar me shkrim. Unë i përgjigjem Prokurorisë për çfarë më kërkon dhe nuk mund të çoj materiale që nuk mi kërkon. Nëse më kërkon diçka tjetër sigurisht do të shkoj t?ia dorëzoj siç kam shkuar edhe dy herë të tjera.

Milori: Lerini këto dhe na thoni pse nuk u dorëzua materiali bruto, por vetëm ai i ndërhyrë? E keni apo jo?

Salianji: Po ne kemi materialin bruto dhe e kemi të dorëzuar në Prokurori.

Më tej deputeti demokrat i është rikthyer videos së publikuar mbrëmjen e djeshme në emisionin ?Opinion? në TV Klan, ku dukej Fredi Alizoti, i cili pohonte e ka marrë drejtori i Policisë Ardi Veliu dhe e ka çuar në Prokurori.

I pyetur pse duhet ta besojnë njerëzit dhe ai vetë kur një mashtrues që bëri gjithë këtë punë për lekë nuk mund të bëjë një tjetër mashtrim, Salianji ka thënë se ajo video duhet besuar sepse është me zë e figurë dhe është jashtë presioneve politike./ CNA.al





Lajmet e fundit nga