web counter
LEXO PA REKLAMA!

SHKARKO APP

E fundit!

x

Audiopërgjimi "Babale"/ Zbulohet emri i kompanisë që bëri ekspertizën

10 Tetor 2018, 16:17, Aktualitet CNA

Prokuroria ka zbardhur detaje të tjera në lidhje me çështjen ?Babale?, ku Agron Xhafaj, vëllai i Ministrit të Brendshëm, Fatmir Xhafaj, akuzohet për përfshirje në pazare droge.

Në raportin e dërguar nga organi i akuzës, thuhet se ekspertiza e audiopërgjimit është kryer nga kompania ?JP French Associates?.

Kjo kompani sipas Prokurorisë, është kontraktuar nga autoritetet shtetërore britanike, për kryerjen e ekspertimeve në vend, pasi në Mbretërinë e Bashkuar nuk ka asnjë institucion për kryerjen e një veprimtarie të tillë.

Pjesë nga deklarata:

Është vendosur kryerja e ekspertimit teknik, duke caktuar si ekspert, ekspertët britanikë të kompanisë JP French Associates. Fillimisht jemi drejtuar Ambasadës Britanike, oficerëve të kontaktit të NCA pranë kësaj ambasade për asistencë në kryerjen e një ekspertimi zëri. Nga informacioni zyrtar që na është vënë në dispozicion rezulton se në Mbretërinë e Bashkuar nuk ka institucion shtetëror për kryerjen e një ekspertimi të tillë, dhe se  kompania e sipërcituar është kompania e kontraktuar nga vetë autoritetet shtetërore britanike për kryerjen e ekspertimeve në vend. Për këtë arsye nga ana jonë është dërguar materiali për ekspertim pranë kësaj kompanie./ CNA.al





Lajmet e fundit nga