web counter
LEXO PA REKLAMA!

SHKARKO APP

Video-“Më futën në birucë”/ Kardinali shqiptar që përloti Papa Fraçeskun rrëfen torturat

29 Shtator 2018, 14:32, Aktualitet CNA

Kardinalin Ernest Simoni (Troshani) e mbajmë mend të gjithë, pasi ai është njeriu që përloti Papa Fraçeskun gjatë vizitës së tij në Tiranë, në 21 shtator të vitit 2014.

Gjatë takimit që Kardinali pati me Papa Françeskun në Katedralen Katolike të Shën Palit i tregoi atij për torturat që kishte kaluar gjatë regjimit komunist.

Kurse gjatë ditës së sotme Kardinali Ernest Simoni (Troshani) në një intervistë  për ?Fokus Tv? ka rikujtuar edhe një herë takimin që pati me Papa Françeskun.

?Po si e kam takuar. Më tha shkëlqyeshëm Papa?, – ka thënë Kardinali.

Gjithashtu, ai ka treguar se si e arrestuan në Kishë gjatë regjimit komunist.

?Më arrestuan në Kishë. Më çuan në izolim në një dhomë 2 me 2. Në një birucë nuk kishte as dritë elektrike. Më dënuan 18 vite me akuza false. Kishin qëllim me fol kundër Vatikanit dhe fesë, po nuk kam bërë kompromis. Në Spaç me çuan fillimisht?,- ka treguar ai më tej.

Kardinali Ernest Simoni (Troshani) ka mbajtur edhe një meshë për familjen Kenedi dhe se është kardinali i dytë në Shqipëri.

Kujtojmë se Ernest Simoni lindi në Troshan më 9 tetor 1928 në një familje katolike. Në moshën dhjetë vjeçare hyri ne Kolegjin Françeskan, ku qëndroi deri në vitin 1948 kur regjimi komunist i Enver Hoxhës mbylli manastiret gjatë një vale anti-fetare dhe persekutuese. Nga viti 1953 deri 1955 beri shërbimin ushtarak detyruar, pastaj më 7 prill 1956 u shugurua meshtar në moshën 28 vjeçare.

Më 24 dhjetor 1963 u arrestua nga forcat autoritare komuniste, sepse kishte celebruar meshë për shpirtin e Presidentit amerikan John Fitzgerald Kennedy. U dënua me vdekje, por ky dënim u ndërrua në burg dhe punë të rëndë për 25 vjet. Ai u lirua pas 18 vitesh./ CNA.al





Lajmet e fundit nga