web counter
LEXO PA REKLAMA!

SHKARKO APP

App Store
Google Play

Ndarja nga jeta e ish-ministrit Hajdaraga/ PD i shpreh ngushëllimet familjes

30 Korrik 2018, 19:11, Aktualitet CNA

Pas ndarjes nga jeta të nënkryetarit të Partisë Socialiste dhe  ish-ministrit të Mbrojtjes Luan Hajdaraga ka reaguar Partia Demokratike.

PD i shpreh mgushëllimet familjes, ndërsa ka risjellë edhe një herë në vëmendje kontributin e tij në politikë, por jo vetëm.

Reagimi i plotë:

Partia Demokratike shpreh ngushëllimet e saj më të thella për ndarjen nga jeta të Luan Hajdaragës, protagonist i zhvillimeve të së majtës shqiptare gjatë 28 viteve të fundit.

Hajdaraga ishte një kontribues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste.

Si nënkryetar i PS dhe më pas si Ministër i Mbrojtjes apo zëvendësministër i jashtëm, Profesori i njohur i psikologjisë dha kontribut në normalizimin e jetës politike në vend, në zbatimin e një diplomacie pa ndikime partiake dhe mori pjesë aktive në aksionin mbarëkombëtar për zgjidhjen e krizës së të shpërngulurve shqiptarë të Kosovës.

Me ndarjen e tij nga jeta, familja humbi njeriun e saj më të shtrenjtë, Partia Socialiste njërin nga ithtarët e evropianizimit të saj, kurse Partia Demokratike një kundërshtar të denjë politik.? /CNA.al





Lajmet e fundit nga