Ministrat s’kanë pse privohen nga puthjet/ Rama nuk i mban dot të gjitha

18 Korrik 2018, 15:16, Aktualitet CNA

Nga Agron Gjekmarkaj

Sot një grua e cila zgjidhi një hall që i rëndonte në gji prej 8 vitesh ashtu në gezim e sipër u çua dhe përqafoi bamirësin ! Sa mirë bëri. Njeriu duhet të jetë mirënjohës dhe i sinqertë.S?ka asnjë arsye të shkrythet në ethet e heshtjes, kur mund ti hap krahët lumturisë. Këtë mundësi zonjës ia dha sot Kryeministri.

E panë të gjithë shqiptarët. Qyetarja e cila për 8 vite 6 nga të cilat i dominon Edi Rama i dha fund ecjes në labirinth dhe mori një certifikate hipoteke!

Ne jemi gjindje plot me emocione. Kur Komandanti shpërnante tapitë në 1946 njerëzia kërcente valle nën ritmin e lodrave e zyrnave.

Po ashtu kur drita llamburiste fshat më fshat ne 1972?Tani që legalizohen shtepitë pa leje gjithashtu. Pas gjashte vitesh qeverisje kur ndokush e ka akuzuar si arrogante, është populli që flet me gjuhën e dashurisë për liderin, për Qeverinë për rilindjen. Po hymë në stinën e përqafimeve.

Sapo të mbarojë vapa kur shefi i Qeverisë dhe ministrat e tij të marrin kuvendimin rrëzë pemëve, e madhe do të jetë gara për ta përqafuar e shprehur këtëb ndezulli pasioni. Kritikat s?kanë bërë efekt.

Atyre po u vjen fundi. Shoqëria po e kupton çdo ditë e më tepër se ka veç një rrugë, veç një udhëheqës, veç një mundësi, veç një përqafim. Në këtë rendje, në këtë unitet të ri parti popull komandant, druaj se do ketë disa hatërmbetje nga ministrat e kabinetit.

Përqafimet duhen shpërndarë. Nuk i mban dot të gjitha Edi Rama. Këto të hipotekave i takojnë Etilda Gjonajt. Qytet më qytet i duhet shprehur asaj respekti apo nderimi.

Të sëmurët që shërohen duhet të përkedhelin Manastirliun për dermanin që u gjen. Aktoret e teatrit Lezen.

Rrogëtarët Arben Ahmetajn, që ua bën zemrën mal me llogaritë e krahasimet. Bujqit dhe blegtorët Niko Peleshin! Kriminelët e penduar dhe të kapur nga policia, Fatmir Xhafajn. E kështu me rradhë. Jo te gjithë kryeministrin se i cimbis nga ferrat e mjekrrës po pastaj, populli megjithëse mirëqenia është rritur nuk ia del do të parfumoset e kësioj e bën me djersë. Ai e ka bezdi qamet pastaj. Nuk duhet të jemi skeptikë. Kjo formë e re komunikimi do të përsoset me kalimin e viteve.

Kemi gjithë të drejtën e zotit të besojmë për një shpërndarje më të drejtë të përqafimeve në raportin shef-vartës. E vërtetë sukeset e Rilindjes në masë të madhe i takojnë Edi Ramës, por ama edhe ministrat kanë kontribut. As ata s?kanë pse privohen nga puthjet e elektoratit. Një gjë është e sigurtë, kur të më dalë hipoteka e shtëpisë unë nuk dua të perqafoj Kryeministrin, më mirë ministrin e linjës për t?i rritur nderen. E kam zët të përqafoj burrra.