web counter
LEXO PA REKLAMA!

SHKARKO APP

App Store
Google Play

E fundit!

x

Fijet që e lidhin baronin e kokainës në Angli me kryebashkiakun Qazim Sejdini

27 Maj 2018, 17:32, Aktualitet CNA

?Daily Mail? i ka dedikuar një shkrim ditën e sotme të riut nga Elbasani Klodjan Çopja, i cili ndodhet në burg në Britani, pasi ka qenë kapoja i një grupi që merrej me trafikun e drogave. Media britanike e kishte vendosur theksin e shkrimit të saj te fakti se i riu nga Elbasani, paratë e fituara nga trafiku, i kishte përdorur për të hapur një biznes në qytet, bar-kafenë ?Living?, një ambient shumë i frekuentuar në qytet.

Për të humbur gjurmët Çopja e kishte vendosur biznesin në emrin e nënës së tij 62-vjeçare.

Burimet bëjnë me dije se i riu nuk është një emër i panjohur në Elbasan, pasi ai njihet si shok i afërt i dhëndrit të kryebashkiakut Qazim Sejdini, shkruan Fax web. Media shkonte edhe më tej me ironinë e saj në shkrim, teksa e krahasonte të riun elbasanas me aktorin Di Caprio, ku nuk harronte të përmendte faktin se ai lëvizte në qytet me një Ferrari të kuqe.

?Për mirë apo për keq, të gjithë në Elbasan e njohin zotin Çopja. Ai ngjason me Leonardo Di Caprion dhe kur kthehej nga Londra në Elbasan udhëtonte me një Ferrari të kuq. Perandoria e trafikut të kokainës ndërtuar nga 31 vjeçari Çopja u shkatërruar kur u diktuan korrierët e grupit.

Për policinë angleze që hetoi rrjetin e tij kriminal ai ishte mjeshtër për t?u fshehur. Kur e pa që të gjithë anëtarët e rrjetit ranë në prangat e policisë kriminale angleze ai ilegalisht u largua për ti shpëtuar arrestit.

Megjithatë Klodjan Çopja do të arrestohej në kufirin greko-shqiptarë me një pasaportë të falsifikuar e më pas do të ekstradohej në Angli. Ndërkohë në Elbasan pak njerëz marrin guximin të përmendin emrin e Klodjan Çopjas?, shkruante mes të tjerash ?Daily Mail?. /Pamfleti





Lajmet e fundit nga