web counter
LEXO PA REKLAMA!

SHKARKO APP

App Store
Google Play

E fundit!

x

Presidenti serb: Jemi gati për lëshime dhe kompromis në çështjen e Kosovës

27 Maj 2018, 16:13, Aktualitet CNA

Presidenti i Serbisë, Aleksander Vuçiç, duke folur sot për vazhdimin e dialogut mes Prishtinës dhe Beogradit, deklaroi se shteti i tij është i gatshëm të zhvillojë bisedime dhe të gjejë një zgjidhje mes dy vendeve.

?Nuk e di nëse do të vazhdojnë në qershor, korrik apo gusht. Gjithsesi ne nuk do t?u ikim këtyre bisedimeve?, u shpreh Vuçiç.

Ai shtoi se pavarësisht gatishmërisë së Beogradit për të vazhduar këto bisedime në Bruksel, duhet të shihet edhe nëse ky dialog po prodhon diçka produktive në gjetjen e një zgjidhje të pranueshme për të dy palët, transmeton “lajmi.net”.

?Sa herë që bëj një pyetje, ajo mbetet pa përgjigje. Ne jemi të gatshëm të flasim, mirëpo duhet edhe të shohim rezultatet nga këto bisedime?, shtoi Vuçiç.

 Madje Vuçiç thotë se sipas tij Beogradi ka përmbushur të gjitha obligimet e dala nga dialogu i Brukselit, përderisa Prishtina nuk ka përmbushur të vetmen marrëveshje që e kishte obligim ta implementonte.

?Para se të gjithash, duhet të shohim palën tjetër tek përmbush obligimet e saja. Ne nuk mund të flasim vetëm për gjetjen e një zgjidhje, e ndërsa Serbia kryen të gjitha të tjera dhe nuk merr asgjë në këmbim?, u shpreh Vuçiç.

Ai shton se Serbia është e gatshme për kompromise dhe lëshime, mirëpo vullnet për një gjë të tillë, Vuçiç thotë se duhet të ketë edhe pala kosovare. Këto komente presidenti serb Alksander Vuçiç i bëri në një konferencë për media pas eventit të organizuar në Serbi për Ditën e Policisë.





Lajmet e fundit nga