web counter
LEXO PA REKLAMA!

SHKARKO APP

App Store
Google Play

E fundit!

x

Ish-Kryeprokurori në prag arresti?/ Arta Marku nuk i ndahet Adriatik Llallës

27 Maj 2018, 12:30, Aktualitet CNA

Telashet për ish-kryeprokurorin Adriatik Llalla nuk kanë fund.

Teksa rrezikon të rifutet në veting dhe të arrestohet, ndaj tij ka nisur një proces verifikimi dhe për tenderat që ka dhënë.

Prokuroria ka nisur një hetim ndaj tij për 4 vepra penale, pasi ka dyshime se ka abuzuar me detyrën gjatë 5 viteve në krye të Prokurorisë së Përgjithshme.

Llalla momentalisht hetohet për: ?Refuzim për deklarim, mosdeklarimit, fshehjes ose deklarimi i rremë i pasurisë , interesave private të zgjedhur dhe nëpunësve publikë ose i çdo personi tjetër që ka detyrimin ligjor për deklarim?, ?Mosdeklarimit të shumave të të hollave ne kufi?, ?Pastrimit të produkteve të veprës penale ? dhe të ?Shpërdorimit të detyrës?.

Sa i takon shpërdorimit të detyrës, ka dyshime se ai po hetohet për abuzime apo shkelje me tendera, ndërsa ka pasur dhe disa denoncime në media për tendera të dyshimta të dhënë prej tij.

Më 15 maj Marku ka mbledhur Komisionin e Deklasifikimit, Zhvlerësimit të Informacionit të Klasifikuar. Arsyeja është se më 26.11.2015, Adriatik Llalla ka realizuar një tender me objekt: ?Rikonstruksion, pajisje dhe orendi zyre? për Prokurorinë e Përgjithshme?.

Por ky tender ka qenë i klasifikuar në nivelin ?i kufizuar?, duke mos u bërë publik, pasi ka qenë sekret. Mirëpo Marku ka vendosur të deklasifikojë tenderin në fjalë dhe ka publikuar të gjithë procedurat që janë ndjekur nga paraardhësi i saj lidhur me këtë tender, shkruan gazeta Sot.

Ndërkohë janë duke u parë procedurat që ka ndjekur ish-kryeprokurori, ndërkohë që dyshimet e para kanë lindur sa i takon afateve. Procedurat për tenderin kanë nisur më 18.11.2015, ku është ngritur njësia e prokurimit për thithjen e ofertave. Ndërkohë që më 24 dhjetor 2015 janë marrë në dorëzim punimet. Gjithçka është mbyllur për rreth 1 muaj. Megjithatë nëse ka pasur apo jo shkelje do jetë vetë organi i akuzës që do të shohë.

 





Lajmet e fundit nga