E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Gjekmarkaj “kryqëzon” Bashën/ “Fjalimi i tij i tmerrshëm, një hartim filloreje”

27 Maj 2018, 13:15, Aktualitet CNA

Protestën e djeshme të Opozitës, analisti Agron Gjekmarkaj, e sheh larg të të qenit një revoltë popullore.

?Protesta e djeshme ishte larg të qenit revoltë popullore, ishte larg të gjitha pritshmërive të ndërtuara nga ligjërimi i lidershipit të opozitës në këto ditë, megjithëse ajo nuk ishte e vogël.

Nuk është numri që përcakton drejtësinë e një kauze. Dje, opozita ka protestuar për çështja të drejtë?, ka shkruar Gjekmarkaj.

Sipas tij, Lulzim Basha bën mirë që nuk bie pre e atyre e që e këshillojnë për akte të forta apo dhune.

?Ato duhet të marrin fund në Shqipëri si episode të së kaluarës.

Le të mbetet 21 Janari 2011 i fundit. Forcën, Basha duhet ta tregojë te qëndresa paqësore, e cila mund të shndërrohet në frytdhënëse, shumë më tepër se çdo akt dhune. Por kjo qëndresë ende duket larg së realizuari?, ka shkruar më tej Gjekmarkaj.

Por çfarë nuk shkoi në protestën e djeshme, sipas analistit Gjekmarkaj?

?Basha iu premtoi katër ditë protestë, pastaj katër ore dhe bëri vetëm 40 min rezistencë. Raporti i propagandës me faktet po i krijon atij një hendek të madh dhe krizë besimi. Dje kishte proteste, por jo entuziazëm.

Dje kishte protestë, por jo besim se opozita do të konkretizojë diçka?, ka analizuar Gjekmarkaj.

Sipas tij, fjalimi i Bashës ishte thjesht i tmerrshëm, një hartim filloreje.

?Lulzim Basha, në pamundësi për t?i shprehur respekt shkruesit të këtij fjalimi me një lapër kokës, thjesht t?i caktojë kujdestarinë për gardalinat në PD?, shkrun Gjekmarkaj.

Ky i fundit këmbëngul, se Basha e ka jetike që të lexojë vetveten, ndërkohë që ai po heziton ta bëjë këtë prej 5 vitesh.

?Qytetarët e ndëshkuan PD në vitin 2013, ende me tepër në vitin 2015, dhe në mënyrë katastrofike në vitin 2017. Ata po i kërkojnë ndryshim të thellë. Lidershipi i PD heziton ta pranojë këtë, qytetarët hezitojnë ta ndjekin. Është formulë e thjeshtë.

Në qershor bëhet 1 vit nga humbja e zgjedhjeve për këtë parti.

Prej 1 viti, Basha vetëm kujdeset për karrigen e vet. Asnjë shenjë ndryshimi, asnjë shenjë rikthimi të dialektikës së përfaqësimit?, ka shkruar ndër të tjerë profesori Agron Gjekmarkaj./CNA.al