Portreti/ Kush është ish Kryeministri që u dënua me dy vite burg

23 Maj 2018, 16:19, Aktualitet CNA

Sot një Gjykatë Penale në Maqedoni e shpalli fajtor ish-kryeministrin Nikolla Gruevski për abuzim me detyrën gjatë kohës së qeverisjes, duke e dënuar me dy vite burgim.

Rasti ?Tank?, në të ciin ai ishte përfshirë, kishte lidhje me blerjen e një automjeti të blinduar për shumën gjashtëqind mijë euro etj. Mirëpo kush është në të vërtetë Nikolla Gruevski, ish kryeministri gjatë drejtimit të të cilit Maqedonia lëvizi fare pak drejt europës?

Sikurse raportojnë mediat maqedonase Gruevski lindi në Shkup në vitin 1970 dhe u rrit në një familje që nuk ishte as e privilegjuar por as e varfër. Babai i punonte në një kompani mobiljesh, ndërsa nëna e tij punonte si infermiere. Pasi prindërit e tij ishin divorcuar, Gruevski kishte qëndruar me nënën e cila e morri me vete në Libi ku shkoi për të punuar, si mijëra qytetarë tjerë të Jugosllavisë .

Pas kthimit në vendlindje, ai përfundoi shkollën fillore dhe të mesmen në Shkup, për t?u diplomuar më pas për ekonomi në vitin 1994, kohë gjatë së cilës kishte marrë pjesë në teatër, por edhe në boksin amator.

Gruevski është divorcuar me gruan e tij të parë, dhe është martuar sërish në maj të vitit 2007, me Borkica Gruevskan, me të cilën ka dy vajza.

Gjyshi i Nikollës kishte luftuar në luftën greko-italiane dhe aty e kishte humbur jetën. Emri i tij përmendet në memorialin e luftës në Achlada (më parë Krushorad), mes emrave tjerë që ishin vrarë gjatë Luftës së Dytë Botërore.

Mbiemri i Gruevskit kishte qenë Grouios, por pas ikjes së gjyshërve të tij në Maqedoninë Jugosllave, ata e kishin ndërruar në mënyrë që të merrnin nënshtetësi jugosllave duke u asimiluar.

Gruevski kishte qenë ministër Financash, nga viti 1999 e deri në vitin 2002. Ai drejtoi operacionin e shitjes së Telekomit maqedonas, por edhe reforma të shumta financiare.

Në vitin 2003 u bërë lider i partisë udhëheqëse nacionaliste VMRO-DPMNE. Në atë kohë, Gruevski kishte qenë lider pro-evropian, dhe ishte zgjedhur pasi që Ljubco Georgievski e kishte lënë pozitën.

Që nga viti 2006 e deri në vitin 2016, shkruan ?Periskopi?, ai kishte shërbyer si kryeministër i Maqedonisë. VMRO-DPMNE-ja i kishte fituar zgjedhjet e korrikut të vitit 2006, dhe më 25 gusht Gruevski e kishte formuar qeverinë e re.

Koalicioni i udhëhequr prej tij, i kishte fituar të gjitha zgjedhjet e mëvonshme, përfshirë edhe të fundit në të cilat pas koalicionit pas-zgjedhor ai e kishte humbur pozitën e kryeministrit.

Në muajin maj të vitit 2015, ndodhën protesta të mëdha në Shkup kundër Gruevskit dhe qeverisë së tij. Protestat hidhnin akuza të rënda ndaj tij, zëdhënësi i të cilave kishte qenë Zoran Zaevi, lideri opozitar. Më 5 maj kishte ndodhur një protestë në të cilën kishte plasur dhuna mes aktivistëve dhe policisë, me të lënduar në të dyja palët. Shumë ministra, përfshirë ministren e brendshme Jankullovska, kishin dhënë dorëheqje gjatë kohës sa mbaheshin protestat. Por, Gruevski kishte refuzuar të dorëhiqej.

Sidoqoftë, në janar të 2016-s, kryeministri Gruevski kishte dhënë dorëheqje por e kishte emëruar në vend të tij Emil Dimitrievin, i cili kishte shërbyer deri në mbajtjen e zgjedhjeve të reja.

Në janar të vitit 2017, Zyra e Prokurorit Special të Maqedonisë e filloi investigimin ?Tanku? në të cilin dy individë po akuzoheshin për përdorjen e pozitës zyrtare dhe autoritetit, mes shkurtit deri në tetor të vitit 2012, për të blerë një ?Mercedes-Benz- 600? që vlente 600 mijë euro, për t?i plotësuar ?dëshirat? e Gruevskit që kishte qenë kryeministër.