web counter
LEXO PA REKLAMA!

SHKARKO APP

App Store
Google Play

Erion Veliaj, një mashtrues rrugëve të Europës

23 Maj 2018, 15:48, Aktualitet CNA

Kryetari i Bashkisë së Tiranës, Erion Veliaj, është zhvendosur në Holandë, në një vizitë dyditore me pretendimin se është duke lobuar për Integrimin e Shqipërisë në BE.

A thua se Tiranës i mbaruan një mijë e një hallet e problemet, që Veliaj të ikë rrugëve të Europës, gjoja në emër të lobimit për Shqipërinë.

Veliaj është administratori i Tiranës,  të mirë administrojë taksat,  të merret me pastrimin e territorit, të ndërtojë shkolla e kopshte, të menaxhojë çerdhe, të mbjellë dhe pemë, por nuk ka asnjë kompetencë në nivelin diplomatik që të influencojë tek Bashkimi Europian, këtë kompetencë për Integrimin e Shqipërisë nuk e kanë as kolegët e tij kudo në Europë.

Por Veliaj si një klloun i pandalshëm që kërkon të marrë merita dhe ku nuk ka, ka servirur sot një kronikë, teksa ka zhvilluar një takim me kryebashkiakun e Roterdanimit, Ahmed Aboutaleb.

Veliaj tha se qëllimi i këtij takimi ishte prezantimi te autoritetet holandeze i Shqipërisë europiane dhe reformave që ajo ka ndërmarrë, për të merituar hapjen e bisedimet për anëtarësimin në BE.

Njeriu që betonizon Tiranën çdo ditë dhe justifikohet duke mbjellë disa pemë, tani nga kryetar bashkie ka rrëmbyer edhe shpatën e diplomatit.

Megjithëse diplomacia më e madhe e tij është e-maili kundër Shqipërisë, në historinë Elvis Roshi-Griselda, që Erion Veliaj dërgoi në të gjitha kancelaritë europiane, duke shpërndarë në këtë mënyrë një gënjeshtër dhe duke treguar nivelin e tij diplomatik.

Sot duke gënjyer publikisht me lejfenizmin e tij na shpalosi një kronikë që po na Integron dhe në Europë. Në fakt diplomacia e lali Erit nuk vlen as për në tualetet e munguara publike të kryeqytetit.

Lali Eri është thjesht Lei Feni, asgjë më shumë se kopja e shëmtuar e një njeriu gënjeshtar me një propagandë bajate dhe banale. /CNA.al





Lajmet e fundit nga