E fundit!

18:12 Aktualitet

“Shqipëria nuk është në shitje!”/ Diaspora proteston kundër qeverisë

Protestat e fundit që zhvillohen në vend duket se kanë për...

Zhbllokohet situata në Hipotekën e Elbasanit/ Tola: “Pas 4 muajsh qytetarët po marrin shërbimet e duhura”

30 Dhjetor 2017, 12:55, Aktualitet CNA

Zyra e Regjistrimit të Pasurivë të Palujtshme në Elbasan, më në fund i është kthyer normalitetit. Ardhja e drejtuesit të ri Mentor Tola, duket se ka zhbllokuar situatën e rënduar e cila prej 4 muajsh e gjysëm, nuk jepte asnjë shërbim për qytetaret e Elbasanit dhe krejt rrethit, duke krijuar probleme, vonesa, debate dhe ngërç në zgjidhjen e problemeve të tyre.

Qytetarët ankoheshin prej disa muajsh lidhur me mungesën e drejtuesit në Hipotekën e Elbasanit, e cila duhet thënë se mbart ngarkesën e një rrethi me mbi 400 mijë banorë.

Vetëm një javë më parë, dikasteri ka emëruar zotin Mentor Tola si drejtuesin e ZRPP Elbasan, i cili vjen pas një eksperience të gjatë pune në disa sektorë të atij institucioni.

Duke folur mbi situatën e gjetur dhe punën e nisur zoti Tola u shpreh për ?City News.al? se ?sapo kam marrë në dorëzim detyrën, jam njohur me ngarkesën dhe problemet e akumuluara nga mungesa e gjatë e drejtuesit , gjë e cila ka sjellë shqetësime të qytetarëve.

Me urgjencë kam nisur punën falë edhe angazhimit të stafit tim, një staf i përbërë nga djem dhe vajza të shkolluar, të cilët janë bërë pjesë e një pune intensive për tu afruar sa më shpejt të jetë e mundur shërbimet e duhura çdo qytetari.

Ka nisur puna në zonat që janë punuar ose duke u punuar on -line, falë edhe bashkëpunimit perfekt me degën e ALUIZNI-t, dhe Posta Shqiptare, duke përfunduar dhe shpërndarë me rrugë postare, çdo ditë deri në 120-140 çertifikata pronësie në banesat e çdo qytetari për të mos u krijuar atyre asnjë vonesë më shumë?. Duke u ndalur tek ngarkesa e akumuluar nga mungesa e gjatë e drejtuesit në Hipotekën e Elbasanit zoti Tola tha se ?mendoj dhe besoj se falë angazhimit maksimal me orare të zgjatura të stafit, ngarkesa e grumbulluar së shpejti do të jetë zero, pasi sot gjithçka punohet on-line, duke mos përjashtuar bashkëpunimin me institucionet e tjera që trajtojnë pronat e qytetarëve?.

Elbasani në shkallë qarku (rrethi) ka një popullsi prej afro 400 mijë banorësh, dhe është i dyti pas Tiranës për numrin e lartë të aplikuesve në degët e ALUIZNI-t dhe Hipotekë. Zoti Tola tha se ?besoj se deri në 31.12.2017 do të kemi të zhbllokuar bindshëm situatën në qytetet e Elbasanit dhe Cerrikut, duke u marrë pastaj intensivisht me bashkitë dhe Njësitë e tjeta Administrative të rrethit?. /Artur Ajazi