web counter
LEXO PA REKLAMA!

SHKARKO APP

App Store
Google Play

Përplasja me Ramën për Demarkacionin / Flet Albin Kurti

5 Tetor 2017, 15:49, Aktualitet CNA

Pas përplasjes në rrjetet sociale që ish-kryetari i Lëvizjes VETËVENDOSJE!, Albin Kurti, pati me kreun e qeverisë shqiptare Edi Rama, për çështjen e kufirit me Malin e Zi, ai e ka komentuar atë në një intervistë për gazetën “TEMA”.

Sipas Kurtit, çështja me kryeministrin Rama, është mbyllur tashmë, pasi ai u shpreh dhe e tha fjalën e tij në lidhje me këtë çështje, se nuk fal as detë e jo më tokë.

Më tej ai shtoi se Rama ose duhet të ketë patur mungesë informacioni për çështjen në fjalë, ose ka qenë i keqinformuar nga palë të treta.

“Mendoj se deklarata e z. Rama ka ardhur si pasojë e mungesës së informacionit të plotë mbi çështjen, ose si pasojë e ndonjë keqinformimi të porositur nga kanale të kontrolluara prej z. Thaçi, i cili është shumë i interesuar që të zbatohet marrëveshja e padrejtë për demarkacionin. Por ajo marrëveshje nuk do të zbatohet, për shkak se argumentet e ekspertëve, por edhe dokumentet tregojnë se ajo linjë demarkacioni është gabim. Sigurisht që do të ketë një marrëveshje tjetër për demarkacion, dhe do të vendoset linja e drejtë kufitare mes Kosovës dhe Malit të Zi. Është për t?u vlerësuar se pala malazeze nuk po këmbëngul në vijën kufitare që pretendon Thaçi, dhe është e hapur për diskutim”, – është shprehur Kurti. /CityNews





Lajmet e fundit nga