web counter
LEXO PA REKLAMA!

SHKARKO APP

App Store
Google Play

Kryemadhi akuza mazhorancës/ Nuk kemi asgjë personale me Gramoz Ruçin

9 Shtator 2017, 16:19, Aktualitet CNA

Kryetarja e LSI-së, Monika Kryemadhi ka thënë se nuk ka asgjë personale me Kryetarin e Kuvendit të zgjedhur nga qeveria e re, por problemi i saj qëndron me kryeministrin Rama.

Kryemadhi ka thënë gjithashtu se deputetët e LSI-së nuk do të bëhen pjesë e një procesi për të legjitimuar një maxhorancë që ka ardhur nga votat e blera të krimit të organizuar.

Pjesë nga intervista:

Sot do të votohet kreu i ri i Kuvendit, post që mbahen nga zoti Meta në 4 vitet e shkuara. A do ta votoni ju të LSI zotin Ruçi?
Neve kemi marrë një vendim si grup parlamentar që nuk do ta votojmë zotin Ruçi, pasi nuk mund të bëhemi pjesë e një procesi për të legjitimuar një maxhorancë që ka ardhur me votat e blera nga krimi i organizuar. Këtë e shohim çdo ditë prezentë, me mënyrën se si ka funksionuar e gjithë makineria policore e qeverisë së kaluar. Dhe sidomos e qeverisë teknike po e quaj, e cila u kthye në funksion të bandave dhe krimit të organizuar.

Po ju i keni njohur zgjedhjet?.
Jo ne nuk i kemi njohur, ne i kemi denoncuar zgjedhjet. Por nuk mund të ankimosh një proces ku janë 6-1. Nuk mund të tallësh njerëzit kur sheh se 6 persona janë pro, pasi është marrëveshja. Kur ke një proces të cilin dashje padashje edhe sytë e ndërkombëtarëve u verbuan nga paraja apo shkëlqimi i ofruar nga segmente të caktuara të qeverisë shqiptare. Prezenca jonë në parlament nuk është se njohim zgjedhjet, por përfaqësojmë ato 225 mijë e 73 vota të qytetareve.

Si i keni marrëdhëniet me zotin Ruçi?
Shumë të mira i kam. Nuk i kam debatet personale, por i kam parimore dhe për procedurat dhe rregullat dhe moralit njerëzor. Nëse nuk i sheh gjërat personalisht, je i vogël jo i madh..





Lajmet e fundit nga