E fundit!

16:03 Aktualitet

Garat formale në Policinë e Shtetit

Ditën e sotme është publikuar renditja me kandidatët që pr...

ANALIZA nga Agron GJEKMARKAJ/ “Si i shpërbleu Basha ‘kolaboracionistët’, i shkreti Berisha si …”

9 Shtator 2017, 13:07, Aktualitet CNA

Qysh kur PD hyri në skenën e politikës shqiptare atij dhjetori të vitit 1990 plot shpresa e iluzione, kurrë nuk ka pasur një grup parlamentar kaq të dobët, kaq pak përfaqësues, kaq të diskretituar në imazh.

Disa thonë është produkt i përbashkët i Berishës dhe Bashës. Këtij të fundit kjo tezë i shërben shumë për ta justifikuar përballë militancës së kësaj force. Të tjerë e gjykojnë si maksimum i shijes dhe intelektualiteti të Bashës, i cili ka alergji ndaj personaliteteve të forta. Kjo parti në gati 25 vjet ka qarkulluar brenda saj një pjesë të rëndësishme të elitës së vendit. Tani ajo e ka braktisur këtë traditë. As qe i intereson.

Basha dje me pak përjashtime, qe nuk i shmangte dot nga trashëgimia e pa shkatërruar ende e PD-së, shpërbleu disa personazhe, sa periferike, aq te diskretituar deri në kufijtë e komizmit të qeverisë Berisha në postet parlamentare.

Kjo ishte forma e tij për t?i shpërblyer ata për zellin që treguan me ?kolaboracionizmin? e tyre gjatë ?grushtit të shtetit? në PD.

Basha hodhi kockën në korridoret e PD-së. Disa u turren dhe e lëpinë me dalldi, rrezik t?i linte fryma nga tahmahi. Paçka se bënë një fushate elektorale dizastroze, duke humbur në çdo qark, ata u promovuan duke ndjekur akademinë sovjetike të Shkencave të Tiranës në rrokadën e posteve.

Ata mbështetën Bashën kundër personazheve me peshë, në atë formacion dhe tani Basha i mbështet ata kundër opinionit publik, që i përbuz.

Natyrisht kjo është zgjedhje e menduar mirë në rrugën drejt privatizimit të PD-së nga një person dhe një familje. Banaliteti dhe nënmedikroteti i saj natyrisht nuk janë shqetësimi i Liderit të shkrirë, përkundrazi, gëzimi dhe triumfi i tij.

Mesazhi është i qartë. Ne PD nuk vlen CV-ja?kontributi?historia familjare.. opozitarizmi ndaj të majtës.

Hiç asgje. Ato janë dokrra hinit. Mjafton të takosh njeriun e duhur, në mënyrën e duhur dhe Basha ta hap derën. Nuk ka rëndësi në je idiot, përkundrazi ajo është cilësi që çmohet shumë në PD.

Shikoni postet e reja që shpërndau Basha për t?u bindur për këtë. Natyrisht Lulzim Basha, i shkolluar jo keq si profesionist vite më parë, ka 12 vjet që përdor vetëm 120 fjalë si fjalor kulturor e politik.

Ata qe tejkëlojnë këtë shifër s?kane sy për qabe. Nuk e kishim vënë re edhe nga dëshira për ta mbyllur një sy kur zullumet e qeverisë socialiste s?kishin të sosur.

Tani na takon t?i hapim sytë se populli foli. Një tjetër gjë që ra në sy dje gjate emërimeve të Bashës ishte shpërfillja ndaj Halim Kosovë, një personalitet ky i mirënjohur i mjekësisë shqiptare, i cili ju bashkua PD-së gjatë ?mbytjes? së saj, e për më tepër u ofrua për të bërë betejën e pamundur për Tiranën në verën e vitit 2015.

Basha me mirënjohjen që e karakterizon nuk e gjykoi të denjë për një post në komisionet e Kuvendit. Po ashtu dy profesorë, që vijnë nga mësimëdhënia, të vetmit që kuptojnë diçka aty nga arsimi dhe kultura nuk u përfshinë askund.

Një kumt i qartë si drita e diellit që vjen nga PD e re. I shkreti Sali Berisha. Si do i mbijetojë idiotësisë nëse nuk e ka ndjellur vetë???

Gramoz Ruçi një nga politikanët me seriozë të PS-së votohet per kryetar parlamenti. Personalisht ndiej keqardhje sesi një ish-minister i diktaturës ngjitet përsëri në kupolën e shtetit demokratik, ndërsa themeluesit e PD-së, këta burra ?të këqij? enden rrugëve të mundur nga koha dhe Luli.

Propoganda e PD në këtë rast është farsë kur ajo i ka dëbuar ish-të persekutuarit politikë. Në atë grup parlamentar mbi 30 prej tyre mund të ishin rehat edhe tek PPSH.

Basha ka nevoje për zhurmë. Ajo është aleati i tij i vetëm, pa harruar ?kolaboracionistet? në këto ditë, ku ai paturpësisht po sillet sikur nuk e rrënoi PD-në./Panorama