web counter
LEXO PA REKLAMA!

SHKARKO APP

App Store
Google Play

Rama në mbledhjen e grupit/ Mosvotimi i Gramozit nga opozita është gabim i dyfishtë

8 Shtator 2017, 10:37, Aktualitet CNA

Kryeministri Rama ka mbledhur grupin parlamentar të Partisë Socialiste një ditë nga seanca e parë plenare e këtij viti.

Rama theksoi ndër të tjera prioritetet e grupit dhe tha se opozita bën 2 herë gabim që nuk voton Gramoz Ruçin si Kryetar Kuvendi.

??Në atë sallë do të fillojë një kapitull i ri i jetës parlamentare me zgjedhjen e Gramozit në krye të tij. U them kolegëve demokratë që nëse nuk e votojnë Gramozin nesër gabojnë njëherë, pasi refuzojnë deputetin më jetëgjatë të Kuvendit dhe eksperiencën e tij, dhe gaboni 100 herë kur përbaltni punën e tij”,- tha Rama.

Më tej Rama shtoi:

“Sidoqoftë nesër do ta konfirmojmë me votën e shumicës së 25 qershorit.

Puna e grupit fillon zyrtarisht nesër me seancën e parë të Kuvendit të Shqipërisë, por do të vazhdojë intensivisht jo vetëm në Kuvend por edhe në terrenin ku skuadra e deputetëve do të jenë të pranishme siç e kemi folur edhe më parë për të vijuar komunikimin dhe ndërveprimin me zgjedhësit.

Është shumë me rëndësi të nënvizohet se disiplina e grupit dhe qeverisë janë faktorë kyç në këtë legjislaturë ashtu sikundër janë një shprehi parlamentare dhe e domosdoshme në funksion të ndërtimit të të gjithë procesit të bashkëqeverisjes?,- përfundoi Rama.

/Citynews





Lajmet e fundit nga