web counter
LEXO PA REKLAMA!

SHKARKO APP

App Store
Google Play

Rast ekstrem dhune në Elbasan/ Rrihet nëna dhe 2 vajzat nga ish-kunati, gjykata i jep urdhër mbrojtje dhunuesit

8 Shtator 2017, 08:05, Aktualitet CNA

Vera Kodra nga Orenja e Librazhdit, e martuar në Elbasan dikur, tashmë kërkon mbrojtje nga kunati dhe familja e tij sepse sipas saj ai ka ushtruar dhunë.

Ajo ankohet se ish-kunati ka rrahur dhe 2 vajzat e saj të mitura.

E dhunuara ka bërë kallëzimin në Prokurorinë e Elbasanit, por ai që ka përfituar urdhër mbrojtjeje nga Gjykata ka qenë kunati i saj dhe jo ajo.

Tashmë Vera ka braktisur shtëpinë dhe banon te nëna.

Ndërkohë që ka frikë edhe për vajzat që shkojnë në shkollë.

Edhe pse e ka ngritur problemin disa herë në polici Vera nuk ka marrë asnjë zgjidhje.

E frikësuar ajo ka folur për BestChannel në Elbasan.

?Ish-kunati Kalem Kodra, së bashku me djalin e motrës së tij vijnë dhe më ofendojnë në momentin që isha duke futur drutë e dimrit në shtëpi.Më tha do të bëjmë këtë do të bëjmë atë. Kur e pashë që po mundoheshin të futeshin brenda portës jam munduar me gjithë forcën time ta mbyll, por nuk munda. Jam larguar me vrap. Ai me gjithë mend është i verbër, ama po të futi në dorë vetëm dru di të japë. E kam parë të rrihet me vëllain e tij, me të shoqen, me fëmijët?,- ka rrëfyer ajo.

Më tej Vera tregon se si në momentin që ajo u largua nga ish-kunati, ai kishte rrahur vajzën e saj Blerinën duke rrëfyer se momenti që dëgjonte ulërimat e vajzës ishte më i keqi që prej vdekjes së të vëllait.

Të dyja vajzat e saj kanë treguar frikën nga dhuna e familjes së babait të tyre dhe i bëjnë thirrje shtetit për ndihmë.

?Si është e mundur që një njeri që na dhunoi ne të marrë urdhër mbrojtjeje dhe të thotë se ne e kemi dhunuar. Një fëmijë 13 vjeç dhe një 17 vjeç. Se kuptoj se si funksionon ligji. Kur 2 minorene janë dhunuar. Kërkoj mbrojtje për jetën time dhe të familjes?,-ka treguar njëra nga vajzat.

/Citynews





Lajmet e fundit nga