web counter
LEXO PA REKLAMA!

SHKARKO APP

App Store
Google Play

Kosovë/ VV-ja dhe LDK-ja, votë kundër Qeverisë “Haradinaj”

8 Shtator 2017, 18:30, Aktualitet CNA

Ndërkohë që është konfirmuar zyrtarisht se ora 16:00 e ditës së nesërme do të jetë nisja e seancës parlamentare për votimin e Qeverisë ?Haradinaj?  për një mandat katër vjeçar, ka ardhur dhe deklarimi nga dy forcat kryesore politike opozitare, VetëVendosje(VV) dhe Lidhja Demokratike e Kosovës(LDK). Përfaqësues të këtyre dy subjekteve kanë konfirmuar për mediat kosovare se do të votojnë kundër zgjedhjes së Ramush Haradinajt kryesues i Qeverisë.

I pronocuar për ?Telegraf?, Shkodran Hoti, nga zyra për media e VV-së është shprehur në ligjëratë të drejtë:

?Ne do të marrim pjesë në seancë dhe normalisht që do të votojmë kundër. Kjo s?do duhej të diskutohej nga askush?, ka thënë Hoti.

Të njëjtën gjë do ta bëjnë edhe deputetët e LDK-së. Të paktën kështu ka thënë për ?Telegraf?-in, shefi i Grupit Parlamentar të LDK-së, Avdullah Hoti.

?Po do të marrim pjesë në seancë. Ne tani jemi në opozitë dhe sigurisht që nuk do ta votojmë qeverinë, sigurisht që vota do të jetë kundër?, ka thënë Hoti.

Në Qeverinë e re, pritet që dikasteret të drejtohen nga Partia Demokratike e Kosovës, Aleanca për Ardhmërinë e Kosovës, Nisma për Kosovën, Aleanca Kosova e Re, Lista Serbe dhe komunitetet e tjera pakicë.

Kujtojmë se Lista Serbe, ditë më parë ka theksuar se lidhur me pjesëmarrjen në Qeverinë e Kosovës do të konsultohet me presidentin serb Aleksandar Vuçiq, si dhe me shefin e zyrës për Kosovën në Qeverinë e Serbisë, Marko Gjuriq.





Lajmet e fundit nga