web counter
LEXO PA REKLAMA!

SHKARKO APP

App Store
Google Play

Një lajm i mirë për LGBT-të shqiptarë

8 Shtator 2017, 17:32, Aktualitet CNA

Së shpejti në Shqipëri do të vihet në funksionim një linjë telefonike e dedikuar miqësore për personat e kategorisë LGBT. Kjo linjë do t?u shërbejë vecanërisht personave LGBT, që u është refuzuar apo vështirësuar kujdesi shëndetësor për shkak të orientimit të tyre seksual. Pederastët dhe lesbiket shqiptare më në fund do të kenë një linjë të tillë, që kur të telefonojnë, do t?u përgjigjen profesionistë të fushës së shëndetësisë, që do jenë sa solidarë aq edhe të përgjegjshëm. Në këtë mënyrë për to do të lehtësohet marrja e ndihmës shëndetësore, psikologjike e sociale.

Nga të katër anët e globit rreth 1 000 donatorë kanë dhuruar para, që të mundësohet një linjë e tillë telefonike për personat LGBT në Shqipëri. Kjo linjë nuk konsiderohet luks por domosdoshmëri për pederastët e lesbiket shqiptare, sepse ndër të tjera është konstatuar, që muajt e fundit është rritur dukshëm numri i të prekurve nga virusi HIV edhe për shkak të mbështetjes së paktë shëndetëosre, që u ofrohet personave LGBT në Shqipëri.

Paratë e mbledhura për këtë projekt i janë kaluar OJF-së shqiptare Pro LGBT. Iniciator i mbledhjes së këtyre fondeve është Programi ?Grassroots Giving?, në kuadrin e një fushate të quajtur ?All out?. Ky shtator filloi mbarë për personat LGBT në Shqipëri. Krahas lajmit të mirë të linjës telefonike në favor të të tillë personave është organizua edhe një konkurs për bizneset në Shqipëri, që diskriminojnë pozitivisht në punësim personat e grupimit LGBT. Në këtë konkurs mori pjesë edhe ajka e trupit diplomatik të akredituar në Tiranë, gjë që realisht ia vlen të bëhet objekt i një tjetër shkrimi të fokusuar te lidhjet e diplomatëve të huaj me kauzën LGBT në Shqipëri. /Nga GJERGJ THANASI





Lajmet e fundit nga