web counter
LEXO PA REKLAMA!

SHKARKO APP

App Store
Google Play

Itali / Arrestohen 2 shqiptarë me 136 monedha ari kontrabandë

8 Shtator 2017, 14:56, Aktualitet CNA

 

Njëlloj si në kohën e Dullës edhe sot shqiptarët nuk i ndahen kontrabandës së monedhave të arit. Në  Ventimilja (Ventimiglia), vendkalimi kufitar Itali-Francë, policia kufitare duke kontrolluar pasagjerët e një autobuzi, të Kompanisë ?Eurolines? i Linjës Barcelonë-Milano dyshoi në 2 pasagjerë shqiptarë.

Dy shqiptarët e moshave 24 dhe 27 vjec deklaruan, që nuk kishin bagazhe me vete. Faktikisht nga biletat e udhëtimit policët mësuan se kishin nga një valixhe secili. Gjatë kontrollit të valixheve u zbuluan 136 monedha ari të padeklaruara në doganë.

Ndër monedhat e arti binin në sy stërlina angleze ?Sovreign? të emetuara në vitin 1885 me figurën e mbretëreshës Viktoria, stërlina ar me figurën e Mbretëreshës Elizabeta II të emetuara në vitin 1974, 20 lira ar të kohës së Mbretit Umberto të Piemontit si edhe ndonjë monedhë ari belge e quajtur Marengo e vitit 1865 si edhe monedha të rralla si Marengo ar italiane e vitit 1811, kur Napoleon Bonoparti kishte krijuar në veri të Italisë një republikë kukull.

Vlera e monedhave si metal i cmuar dhe si vlerë numizmatike shkon në 80 000 euro. Dy të rinjtë shqiptarë u arrestuan, ndërsa monedhat e arit u sekuestruan si mall kontrabandë. /Nga GJERGJ THANASI





Lajmet e fundit nga